Cover

20100831

"ELLE Club X Dada星級形象服務" 實況 & 拎左淘寶既包包''*

早前有幸抽中左"ELLE Club X Dada星級形象服務"
咁就約左上星期6 上去玩玩啦~

上到去, 入面唔算好大''*
不過裝修得幾靚...仲有好多衫,褲,鞋賣TIM~


D衫款都幾IN, 有D仲好型架''*
本身原來我係揀左
化妝指導&魔法修腰架, 因為聽LaLa講好痛既!!!
所以去到就改左為個人形象分析&
化妝指導呢!!!

首先佢地就比左張form我填先啦
填完之後Celia (冇記錯好似係哩個名, 錯左唔好怪我喔) 就同我傾計~
問我想試d咩造型or有d咩著衫問題可以問佢''

最後我都係揀左試下著d型少少既衫!!!
佢就幫我揀左哩set衫啦~~


今年都幾興既窄身4腳骨褲''* (我本身都唔多著哩d褲)
著左出黎都幾ok''* 哈哈!!!

之後就去做化妝指導啦~~個個係make up forever既化妝師黎架''
我問左好多問題~哈哈!!! 因為我化妝真係唔多得~
最後佢幫我化過隻眼''* 總算精神左~~

左邊係佢幫我化的, 右邊係我自己化的''* 分別好大~!!! 哈哈~~

攪掂之後就走得lu!!!!!

佢地個度有好多衫賣架~~~ SiS 有興趣可以上去睇下架!!!! 好似仲做緊特價呢!!!

地址:
銅鑼灣利園山道十五號三樓

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~



之前JOIN左SIS既團購買包包, 終於到收啦!!!!

好LADY喔''* 第1次用D咁既袋呢!!!
去飲個時用都岩唷''* 哈哈__~

20100825

淘寶買平衫呀......真係好抵!!!

我又JOIN左ELYSE既團購買衫啦!!!
今次係平衫團...雙眼即時發光~
哩度有6件呢'' 我買左3件咋
另外3件係幫我同事買既__哈哈~


睇下我買左D乜!!!

今年興既連身長裙...''*
我完全冇著過連身長裙既!!
感覺上好似著得好奇怪咁~~
唔知係咪未加BELT呢!!!
同埋對鞋都好似襯得唔好睇呀!!!

各位SIS幫幫忙....我應該襯咩鞋先岩呢!??!
大家比D意見喔!!!!



白色珠珠背心''*
件衫細件左, 同埋我覺得好窄呀!!!!
前面個珠珠度都幾重下~



灰色女性公仔TEE''*
哩件同相既COLOR & 公仔個樣都差唔多!!
唔錯唔錯''



SO FAR 哩間淘寶店既衫質地都幾OK''*
唔會話好差, 著落都舒服!!! 衣料唔會好薄~
最緊要既係個價錢好平....有咁既質素真係唔錯喔!!!
我買左3件連埋運費都係$76 咋!!!


我仲係Charmaine既淘寶團度買左ECOTOOLS 4支set化妝掃
d毛毛好柔軟, 好滑滑喔!!!!掃上面好舒服~
都係$30 咋~



另外我係Yahoo Bid度買左條民族裙呢!!!
本身係想當top dress著架~
可惜佢好鬆身呀...著左上去都跌返落黎~
所以叫mum幫我拎去車2條橡根上去!!哈哈~
條裙都係$53咋~難得我鐘意~


因為條裙仲未改好'' 未有實物相呢''


我都有買今期既fashion & beauty呢''*
哩個size唔錯喔!!岩哂我用黎去旅行個時用~
可以黎放外幣,passport, 機票個d呢!!!!



~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

最近我既lucky好似返番黎啦''
係Facebook抽中左uFavour既Starbucks $25 coupon
可以去飲我既favourite - 抹茶牛奶啦!!!!



我仲係頭條網度抽中左<<綫人>>既戲飛2張喔!!!
咁岩哩套戲我都好想睇架!!!!
因為之前睇左<<証人>>丫嘛~對哩套戲都有d期待架~


我仲收到Elle既電話, 抽中ELLE Club X Dada星級形象專門店既
"Dada星級形象服務"



我好似係揀左哩2樣:
個人形象分析(十分鐘) $800 & 化妝指導(專業化妝師在場指)

我約左星期6晏晝上去呢''
唔知點解有d緊張喔....去完返黎出文比大家知啦!!!

瘦人都要瘦瘦瘦'' Collistar 熱能磨砂膏 (有全身比堅尼相丫)

現今社會, 任何人都會想盡辦法去瘦身!!
各位女仕/男仕, 無論高矮肥瘦既人都想唔駛點運動就可以瘦身''*
由其是一班坐Office工作的人仕!!(包括我在內)

而我....人地話我已好瘦好slim'' 駛乜減??
但係好多人仔都好唔滿意, 都係覺得自己肥..需要去瘦身!!!

睇下我既全相先!!!! 係比堅尼相啫~


有冇發覺...我將某d部位遮住左呢?!?
就係肚腩位同埋大脾位啦!!!

我最想減既就係我既肚腩同埋肥大既大脾啦!!!!


幸好今次遇到佢....
就有機會比我舒舒服服減走佢地啦!!

Collistar 2010 皇牌纖購產品  熱能磨砂膏 $396 / 700g


好大盒, 仲好重既添'' 打開入面有:
好大盒既熱能磨砂膏
一個透明白既蓋
一本多國語言既說明書
一支膠小匙


介紹下個產品先"*
具消脂及排水功效。蘊含天然海鹽成份不但具磨砂功效,能去除死皮、更新肌膚,於按摩時所產生的熱能更可促進血液循環,有助產品滲透及軟化橙皮脂肪。當中的植物萃取物一方面能促進夜間自然排水,另一方面能打擊脂肪團,減少脂肪積聚。

而Collistar既產品仲係 Made In Italy 架~!!!


打開個蓋入面有張膠紙密去包住, 保證衛生''*
有隻小匙比你取出磨砂膏, 唔駛整到入d指甲入面~
用完之後仲有個蓋比你蓋住, 唔會倒左出黎!!

Collistar真係好細心...少少細微既地方都照顧到~



磨砂膏含有礦物營養鹽, 蔗糖, 精華油 & 香料

藍綠色& 大大粒既磨砂粒子''* 質地少少杰杰地!!!
有點普通香薰油的味道~~

Collistar 熱能磨砂膏係一定要係乾既身體上面使用的!!!

搽上後加以按摩, 粒子慢慢變小, 慢慢會開始發熱''*
按摩5-10分鐘左右, 用水清洗~
皮膚沖完水之後, 會有紅左少少!!!!!
清洗完好光滑, d死皮&角質冇哂!!!! 即刻乾淨哂~

熱能磨砂膏一星期使用2-3次!!!
因為此產品係有磨砂作用, 始終唔可以成日用~


睇下今次使用後既效果既圖片先!!!

使用前:
大脾係19"


2個星期, 使用左4次後:
宜家大脾係18-1/4"


足足瘦左3/4"丫~!!! 真係去到水腫~
唔錯唔錯呀!!!!

有咁既效果真係要keep住用呀!! 仲可以令肌膚滑滑~
舒舒服服係沖涼既時候仲瘦埋身~

此產品只有莎莎有得買架咋~


最後多謝SaSa x BL 給予既試用呀!!!

20100823

又平又正既宵夜Buffet''*

今次同大家介紹既就係哩間酒店既宵夜Buffet''*
就係Holiday Inn 金域假日酒店啦!!!

我係Openrice 見到有75折coupon...
又有生蠔食...真係好似好抵咁~
所以call埋班朋友仔一齊去試下啦!!!!

佢既宵夜時段係9:30pm~12pm架~
有成2個半鐘食...真係唔錯


你睇下d生蠔下都幾新鮮呀''*
其實熟食都唔錯架....
佢地既宵夜buffet比起其他酒店黎講都幾多野食架~
不過真係掛住食~
冇影到出面既野食喔!!!哈哈~

最後就係甜品time啦!


佢地仲有好多款甜品架!!!
仲有Haagen dazs雪糕&窩夫架~
哈哈___食到好飽飽喔!!


跟男朋友的合照喔~^^~



今次1位都係$160 jar''
真係好抵呀__有生蠔食既哩個價真係抵到爛呀!!!


如果喜歡食生蠔既sis/bro記得去食呀''*
佢地個75折promote做到31/8 jar~

不過星期日至四 & 星期五,六既價錢唔同架!!!
我就係星期日去食既~
本身$188 @ 75折左加埋1 就$160 啦~



以下就係openrice既網址啦!! 有興趣就快d去試啦~
http://www.openrice.com/restaurant/sr2.htm?shopid=25348

20100818

最近... & 淘寶の購入

最近...有好多新野用''* 又中左幾樣野WOR''*
去相比你地睇啦''*

首先抽中左朗豪坊facebook: Melvita溫和淨膚水


世貿facebook: Swing最新大碟《電》

時代廣場 facebook: 全城戒備戲飛x2
未過仲未去拎喔''*

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

某一日發現d foundation用哂...
就去左Shu uemura 度買我用開既哩隻!!
我覺得幾好用, 遮瑕都OK


之前仲係Elyse 既團購度購入左...

牛仔連身褲 + 某日Snapshot''*
條褲同影出黎都差唔多, 質地都係薄薄地幾舒服!!


牛仔布蝴蝶結拖鞋 (黑色)

個碼爭左少少, 已經係39號...都係細左dd''
我同事都買左對另一個款~
佢本身著開37, 佢買38都係同37個size一樣~

某一日朋友仔仲送左支Giorgio Armani既卸妝乳液既sample比我''*
呵呵呵....平時覺得哩個牌子既野太貴啦~
真係唔捨得買__!!!


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

而最近既我忙緊乜野!???
就係整緊...."佢"啦


不停係度搵相揀相''* 終於準備好d相入哂落去啦!!
宜家要做既就編輯我送比男朋友既書啦~

10月頭就2週年啦__宜家就開始計劃一下d禮物~呵呵~




請大家多多支持小妹既文喔''*
好快我又會出送禮文架啦__期待嗎???

20100817

平靚正 美白保濕 ~ Aqua Label 清爽美白系列

小妹由懂得護膚開始...
只知道對自己最重要的一件事一定是.....
♥♥♥~補濕~♥♥♥
而美白一定是其次''*
見過或認識小妹的人都知道我是個戶外活動愛好者!!
所以一身都是健康的膚色~

所以美白對我黎講..都係一件好艱辛的事~
但係補濕跟美白可以同時存在的話, 就PERFECT啦~

幸好我遇上"佢地"
Aqua Label 水之印 導入式美白系列
(清爽型) 清透水嫩觸感


以透明藍色為主色''*
突顯出它們的主題
 "晶透白系列"
美白! 黑斑對策
實現滋潤滿溢 - 瞬間明亮的美肌

這個系列含有:
美白有效成分「傳明酸」
- 能有效預防黑斑生成
「高密度凝水基底」,
- 讓潤澤美肌成分直達肌膚底層
- 打造水感飽滿的透亮白皙
進化型高效活膚因子 Aqua Synergy

實現晶、透、白的美肌願望

首先每天早晚都使用:
晶透白柔膚水 200ml

透明水狀, 化妝水倒在化妝綿上, 再輕輕按上臉上至吸收
感覺都很清爽, 不黏稠''*

然後每天早上使用:
晶透白柔膚乳液 130ml


白色乳液狀, 樽口比較大, 很鞋控制份量

搽完後立刻有亮澤, 一樣清爽不黏稠
滲透力不錯, 亦很容易推開
比較水潤, 適合早上使用及化妝前用

每天晚上便會使用:晶透白水凝霜 30g


透白色膏狀 (感覺很像雪花膏 XD)
開了蓋後還有膠紙密封的呢
細細樽方便攜帶去旅行用喔~

比較滋潤, 同樣是不黏稠''*
晚上待在冷氣房睡覺時或冬天時使用比較好!!
滋潤度/補濕度很足夠~
都容易推開, 取出小量已足夠搽全面!!


最後:

小妹是第1次接觸這個牌子的產品!!!
有幸得予試用才知道這個牌子都是資生堂的其中的個Brand''*
整體這SET 護膚品都有淡淡的香味, 不錯!!
也沒有令我生粒粒及引起敏感的情況~

美白功效不太顯著: 是因為時間太短及小妹的膚色太健康~
不是一時三刻便有變白的情況!!!

但是補濕這個方面很好喔, 這個價錢, 有這個品質很不錯!!!!
對我這個追求便宜又好用的人來說!!!
簡直是First choices ♥♥♥


還是多謝Aqua Label x BL 給予試用機會''

20100811

簡單易明~DIY屬於自己既香水''*

現在時興DIY...可以造出一樣屬於自家品牌既東西''*
各位女仕喜愛既香水都唔例外!!!

今次有幸參與beautylife.hk X Ali's aromatherapy 的香水製作工作坊!!
可以親手DIY 自己既獨有香水啦''*

Ali's Aromatherapy 係位於尖沙咀...
而創辦人Alice Ho 係國際認可機構 IFPA 註冊香薰治療師''*
亦都係今次教我地製作香水既導師''*

上到去地方都不錯喔, 有好多貨品及DIY工具



亦有個休閒的位置...環境很舒適呢~



等齊咁多位SIS 就開始我地今次既香水製作了''



首先Alice 就跟我地講解一下香薰治療究竟是什麼...



原來香薰油是經不同的天然植物提取的, 例如: 花類, 果類, 種子, 樹幹, 根部及葉類

提錬方法亦有三種, 分別是蒸餾法, 溶解法及壓榨法

- 蒸餾法: 可提鍊出精油, 同時衍生花水 e.g.: 薰衣草
- 溶解法: 可提鍊出原精 e.g.: 茉莉/玫瑰
- 壓榨法: 可提鍊出香精 e.g.: 橙/檸檬/西柚

亦講左香薰油如估被身體吸收''*

還有教我們香薰的儲存方法及使用方法喔!!!





講解完哂之後就開始教我地配方係點架啦''* 真係好簡單易明架咋!!


4個Step'' 就可以調配到一個簡單又屬於自己既香水啦!!!
這個配方是10ml 既香水公式''
如果想要整多50ml既就將配方x5 吧''*


跟住地就動力自己造啦''*
睇下我地有咩工具先~


台上面有10種不同的香薰油''*
Alice 亦都好細心咁每人有一張寫上有咩香味既紙比我地!!
等我地mark 低自己揀左邊隻味~

仲有一支香水溶器, 幾張香水試紙及咖啡粉''*

係咪有d奇怪點解會有咖啡粉係度呢!??
原來佢既作用係幾重要架''*
因為我地一次過聞咁多種香味, 會令到嗅覺遲鈍...
聞一下咖啡粉就可以剌激嗅覺的!!
可以重新聞到香水既香味...唔會被咁多種香味混淆啦!!!


開始調配啦''*
因為我地係初學者既關係, Alice就叫我地揀3種最鐘意既香味!!!

我就揀左: 西柚(5滴), 柑(3滴) , 安息香(2滴)
[[PS: 安息香係有定香既作用架]]

Step 1: 將揀好左個10滴香薰油滴入容器
Step 2: 加入3滴溶解劑
Step 3: 加入40滴水 (哩個要好小心滴)
Step 4: 加入8ml 既香水基劑 (即加到樽頸位就OK)

如果份量準確的話, 香水會係透明, 可以睇到入面既管''*

最後終於完成了''
屬於我自己的獨有香水~


剛剛完成, 噴出黎覺得好勁酒精味''!!
原來剛調配好既香水需要等待 48 小時後先可以用''*
因為要等香薰及酒精混合架''!!!

很好高興可以自己DIY 香水~
我個支係好重西柚味架!!! 甜甜的感覺!!!!

到最後梗係唔會忘記同咁多靚靚Bloggersss & Alice合照啦~



大家有興趣DIY的話可以上佢地個WEB睇下架''*
唔止淨係香水製作班~
仲有好多唔同既護膚品DIY架!!!!

Ali's aromatherapy
http://www.alis.com.hk/