Cover

20101230

遲來的Chritmas Gel Nail~~

其實哩款Gel 甲係Christmas 前已經整左架啦!!!
不過真係病倒之後都冇時間出文~
拖到宜家先同大家Share呢!!!

其實都係好簡單既款式!!!
幫我整Gel甲既姐姐真係幫我畫得好靚呢!!!



漸變黑色再加上銀色星河~
上面再畫d 白色雪花!!!

愛心滿載既比利時朱古力店 ~ Leonidas

酷愛食甜野同埋朱古力既我''*
當然唔會放過今次可以去試食朱古力既機會啦!!!!

今次品嘗既係新到港來自比利時既朱古力店 ~ Leonidas

Leonidas 朱古力源自1913年~
而創立人Leonidas Kestekides 更於1910, 1913年獲得國際既獎項...
繼而成立了首間Leondias 朱古力店!!!
到現時為止已經有超過1400間分店係世界各地啦~~

佢地係比利時最大既朱古力生產商, 對朱古力既品質要求係幾乎完美的!!!

今次我同譚美就去到太古Jusco 分店到參與Leondias既品嘗會~
去到等埋其餘幾位品嚐者就開始活動啦!!!


佢地就安排左哩間店既Staff 同我地介紹一下佢地既朱古力~


仲比左好多款我地試食添!!!
同你地介紹下啦~~

第1款就係Leonidas 既得獎朱古力啦~
Manon Cafe (Dark / Milk)
入面係有原粒榛子同埋咖啡架~!!!!

我試食左Dark個隻, 不過比我既感覺都係甜左少少~
但係榛子味真係好香~!!!

之後仲試左好幾款tim~


佢地仲有出酒心朱古力架!!!
仲有8款不同既酒味架tim~~~
但係記得一定要成粒放入口呀!!! 因為佢地係好水既酒心黎架~
一咬開就流哂d酒出黎架lu!!!

而下面哩隻就係 "軟心黑朱古力"
哩隻係用72%既Cocoa架, 所以比較苦少少!!!
朱古力上面既轉印係因為聖誕節既關係特登印架~
夠哂Christmas Feel呢!~~

食完之後就開始自由活動啦~
我地仲可以試下其他款式既朱古力!!!
簡直係任試任食呢~~
真係第1次食朱古力食到飽飽丫~~

我仲試左以下幾款tim呢~!! 好特別架~


Leonidias 除左朱古力之外~
仲有曲奇餅同埋水果啫喱糖架~~


原來Leonidas 賣朱古力既錢係會捐比
"Benjis Centre 庭恩兒童中心"
係幫助一d有語言障礙既小朋友架~~

佢地真係好有愛心喔~~

等我合照一下先~哈哈!!!!



最後佢地仲每人比左份禮物仔我地添~



真係多謝Leonidas 給予今次既品嘗會喔!!!!
一晚食左好多朱古力呢~

20101228

聖誕前的水舞間澳門遊

早於10月尾既時候已經訂左飛去睇水舞間啦''*
訂個時已經差唔多FULL 哂, 得返A區同B區既少少位咋!!

今次我地一行八人過大海去玩!!!
不過大部時間都係食野同埋賭錢....(我地太爛賭了)

比D相大家睇下啦''*

我地去左坑州, 又去左南京呀!!!! 哈哈


每次都係要係威尼斯遊一遊先走得!!!


第1次來到新濠天地喔''* 真係好大地方呀!!!! 仲好靚添~


我地坐第3行'' 頭2行係有預備毛巾比佢地架!!!
但係我地個行就冇LU...不過我地都有濕到架....@@''


開始睇水舞間啦!!!! 可以影相, 不過唔比開閃光燈架~

個個都好勁呀...係咁高既高台度跳水!!!


佢地仲係空中做D高難度動作!!!


有好多大隻佬睇添架!!


總括黎講, 佢個故仔同佢地做既表演係九唔搭八!!!!
不過唔理個故仔既話...佢地既表演樣樣都睇到我地 "嘩嘩"聲架!!!
真係拍爛手掌呀~~~GOOD SHOW喔!!!!

輕盈又健康的新年糕點 ~ 鴻福堂

聖誕過後又就快到新年啦!!!!
一到新年又有好多好多好美味既糕點食''*
相信大家都好喜歡食新年糕點架啦~
不過唔想食得咁油. 要食得健康既話...咁你就可以揀"佢"啦!!!

我講緊既就係鴻福堂推出既 ~賀年糕品系列~
有5款不同口味比各位選擇:
鴻運年糕 
瑤柱蘿蔔糕 
燕窩楊枝甘露糕 
桂花蔗汁馬蹄糕 
紫香芋頭糕


佢地既糕點絕對係香港製造, 無添加防腐劑及味精架!!!!!
簡直係食得健康呀!!!

而今次我可以試食既就係: 瑤柱蘿蔔糕 & 燕窩楊枝甘露糕

全部都係密封包裝架, 仲有埋個蓋比你架添!!!

首先試下個 "步步高陞 ~ 瑤柱蘿蔔糕"

包裝上面印有有效期限, 原來係好短時間架咋!!!
真係要快快食哂先得呢''*

佢入面好足料架, 有瑤杜, 金華火腿, 臘腸同埋蝦米!!!!
切左一半出黎食, 食唔哂仲可以用蓋子蓋著放入雪櫃~


落少少油用細火慢慢煎, 已經好香口架啦!!!!
我就唔鐘意食太燶, 所以煎香左佢地就上碟LU~
切一粒粒咁食, 就可以一啖一粒啦~

加少少甜醬黎食, 又唔太油膩!!! 真係食得健康呢~
略嫌不夠蘿蔔的味道, 比較粉左少少!!!
不過佢十分足夠, 口感搭夠喔~~


跟住就到甜品 "喜氣洋洋 ~ 燕窩楊枝甘露糕"

包裝上面亦印有有效期限, 係正中間仲見到一堆碎燕添呀!!!

金黃色好吸引呢!!!!

佢係以芒果做主角, 入面仲有金柚同埋水晶珠, 夠哂口感喔~

雪凍左之後拎出黎切一件件就可以食得啦!!!!
夠哂方便快捷喔!!! 食完飯拎出黎做甜品食就岩哂啦~

最上面有一層JELLY''* 跟住就係楊技甘露糕啦!!!
入面都有好多芒果架!!! 鐘意食哩種口味既就要買黎試下啦~


口感像JELLY一樣, 楊技甘露的味道簡直一流呀!!!!
不太甜的, 我好喜歡喔...太甜的就唔可以食太多呢~~~
岩哂我地D 女仕食架!!!! 芒果同金柚既分量岩岩好''*

不錯喔, 我很喜歡這個 燕窩楊枝甘露糕!!!!

既可食得健康, 又不怕太甜!!! GOOD~

係1月31日之前訂購仲有優惠架''*
大家想試既就快D去買啦~~


詳情可以上鴻福堂既網址睇下, 或者去門市架!!!
http://www.hungfooktong.com/


20101215

凍冰冰既天氣都唔再身痕啦!!! O'Naomi 透明質酸抗敏保濕沐浴露

凍冰冰既冬天, 沖涼既時候大家都會用好熱既水黎沖涼''*
令到身體冇咁凍, 但係咁樣會導致身體既毛孔迅速擴大, 皮膚更加乾燥敏感!!!

但係有左哩支"透明質酸抗敏保濕沐浴露" 就唔駛怕啦!!!

O'Naomi 透明質酸抗敏保濕沐浴露  600ml  $39.9


O'Naomi 哩個品牌相信大家都唔太熟識, 其實佢地成立於1992年的!!!
產品既成份天然, 全部都係香港生產的, 有信心及品質保證~



藍色樽身, 具有日文及中文的產品介紹''*
是made in Hong Kong 的呢!!!

主要成份:
透明質酸
SLES Free (Sodium LaurethSulfate)
蘆薈
海藻精華

O'Naomi 透明質酸抗敏保濕沐浴露可以給肌膚形成一層幼滑鎖水膜~
可以強化敏感肌膚的抵抗力, 有效收細身體的毛孔!!


含有SLES的沐浴露係會帶走肌膚的水份及損壞肌膚的天然保護膜~
會令到肌膚繳得更繃緊痕癢!!!!
而O'Naomi 透明質酸沐浴露係不含SLES成份, 能夠溫和地將500倍水份注入身體~
令到24小時釋放水潼亮澤的魔力!!!


沐浴露呈透明色, 加少少水就好易起泡啦!!!

使用透明質酸沐浴露後, 覺得真的比平時用的沐浴露更加保濕!!

平時因為用好高溫的熱水沖涼, 令到皮膚經常痕癢, 甚至令到身體變得紅紅的!!!
用完O"Naomi 後, 保濕度真的好高, 就算沖完涼之後沒有塗上潤膚霜...
亦沒有痕癢的感覺!!!! 感覺肌膚幼滑了, 充滿水份~!!!

想不到連沐浴露都有透明質酸成份~
令貪靚的我們可以就面部到身體都擁有水嫩亮澤的肌膚~

20101213

韓風潔面新體驗 ~ Leaders Clinic 卸妝霜 & 潔面泡

韓國既美容產品多到唔係個個品牌大家都認識''*
但係每個女生都十分喜愛韓國各個品牌的美容產品!!
什至有好多品牌名稱都係無聽講的~

今次試用既係韓國醫學品牌, 最近都好深受香港女生歡迎~
好多人用過都大讚 "佢" 好好用添!!!
就係韓國既醫學美容權威 ~ Leaders Clinic''*

大家對Leaders Clinic 既Masks 一定唔會唔識啦!!!
佢地既面膜係好受歡迎的喔!!!

而今次試用產品就係佢地2個啦~
- 激煥去角質深層卸妝霜
- 激潤膠原蛋白保濕潔面泡


佢地全線既產品都係100%係Made in Korea架''*
仲通過臨床實驗, 仲證實可以改善因敏感帶來既問題!!!!


Leaders Clinic 激煥去角質深層卸妝霜  300ml




主要成份:
深海膠原蛋白及彈力蛋白 ~ 鎖緊水份, 強化彈力, 防止老化
橄欖油 ~  溶解彩妝殘留物, 抗酸化, 保濕
木瓜粹取物 ~ 清除老化角質, 去除暗啞
白米粹取物 ~ 淡化黑斑, 防止皺紋形成, 令肌膚回復明亮


紅色既包裝盒, 盒底有製造日期''*
盒背印有使用期限, 同埋有made in Korea既字樣喔!!!


粉橙色的樽身, 印有韓文的介紹!!!
樽邊還印有刻度, 但係唔知作用係邊呢??


打開蓋原來入面仲有一塊白色的蓋, 以防漏出!!!
另外仲有一隻匙, 方面取起卸妝霜~

卸妝霜呈白色乳霜狀, 質感滑滑的, 亦很溫和!!

使用方法係有2種架, 一種係輕摔式, 另一種係洗水式!!!
Tissue Off ~ 塗於面上輕輕按摩, 再用紙巾輕輕拭掉, 用水加以沖洗
Wash Off ~ 塗於面上加以按摩, 直接用涮水沖洗乾淨

試係隻手度比你地睇下啦!!!! 係用Tissue Off 既方法!!

用左d彩妝係手度, 再用卸妝乳加以按摩''*
好快就會變左深色的污物, 再用化妝綿輕輕一抹, 再沖洗!!! 乾淨哂啦!!!

再睇下用係面既卸妝功效啦''*
哩次就係用Wash Off 方法使用的~!!!!

化左個全妝, 眼仔畫左眼線+睫毛液 (都是防水的)

取出適量既卸妝乳, 加以按摩, 連埋眼部一同按摩, 再加水沖洗!!!
睇下...一樣可以落埋眼妝架!!! 即刻乾淨哂~仲可以去角質添~


用完之後亦沒有蹦緊的感覺, 好溫和舒適, 滑滑的感覺!!!
唔會覺得有卸妝油的油笠笠感覺!!!! 亦唔會好乾, 很滋潤喔''*
沒有敏感的情況, 卸妝效果亦好好~
唔錯呢!!! 很喜歡溫和式的卸妝感覺''*

卸妝完之後就要用潔面乳洗面啦!!!


激潤膠原蛋白保濕潔面泡  170ml




含有在海洋抽取的膠原 ~ 保持皮膚水份, 提升皮膚彈力和光澤
弱酸性配方(pH 4.5~6.5) ~ 維持肌膚的天然保護膜
角鯊烯 ~ 使細胞恢復活力, 提高自然的沿愈能力



黃色的包裝盒, 盒底有製造日期''* 更強調是強調保濕配方呢!!!
盒背印有有效期限, 同埋有made in Korea既字樣喔!!!


開口位置貼上封密的貼紙, 保證未開封過的喔!!!

使用方法:
濕面後, 用適量潔面膏, 揉出泡沫後, 再塗上面部加以按摩, 之後用水沖洗



潔面膏呈白色膏狀, 用小小份量就足夠使用於面部的!!
不過應該是我的問題, 用幾次都係起唔到泡泡呢....
我想要使用起泡網才可做到吧!!!

使用潔面膏按摩時感覺很舒服, 加水清洗後雖然有少少蹦緊的感覺~
不過這感覺很快就消失了, 亦不會很乾的!!!! 肌膚即時變得潔淨''*


使用了一星期, Leaders Clinic 這兩種產品真的令我有驚喜~
最喜歡的是卸妝霜, 喜歡它十分溫和''*
令我潔面時亦有保持肌膚的緊緻白滑作用, 真的滑左好多呢!!!

潔面乳方面亦方很好, 弱酸性的潔面產品對肌膚很好*
可以減少粉刺, 暗瘡等問題''* 可以令我們的皮膚保持清潔!!! 

Keep住使用希望我的皮膚可以變得水嫩有彈力呢!!!