Cover

20101130

激光去斑初體驗 ~ Evvus (療程篇)

上兩星期去了Evvus細胞再生專家作皮膚諮詢!!!
(回顧: http://hk.myblog.yahoo.com/winniecard/article?mid=1224)



預早了時間上到去, 坐了一會, 飲左杯菊蜜''*
負責我今次療程的staff 就帶我去見一見劉醫生(負責做療程的醫生)

醫生就為我講解左今次療程既過程, 需要注意既事項
最後就簽左療程既同意書''*

跟住Staff 就帶我去Treatment Room~
放住唔同既儀器, 張床後面既係活動門黎架'' 入面擺左其他儀器!!!
好方便2間房共用D儀器架""*


放低左行裝之後, Staff 就幫我洗面啦''*
洗完之後我就換左對鞋就去左另一間房度影相啦!!!!
因為佢地要影低療程前既相片~

就係哩部set好左位置既相機啦''*

影完之後就去返TREATMENT ROOM~
跟住STAFF 就要幫我搽麻醉膏啦~!!! 好緊張喔~~

STEP 1 ~ STAFF 首先就幫我畫好要搽麻醉膏既位置''*
STEP 2 ~ 之後就搽勻係個框框度''
STEP 3 ~ 搽左上去之後要等30分鐘, 等麻醉膏發揮作用
STEP 4 ~ 30分鐘過後就抹走麻醉膏及清潔一下

30分鐘裡面Staff 隔10分鐘左右會進來看看有沒有什麼問題~
搽麻醉膏無耐會覺得拿拿地, 之後就開始覺得塊面好緊''*
跟住就會覺得冇咩感覺, 不過塊面就會腫左及紅左......!!!

之後劉醫生就入黎準備開始療程啦'''*
首先要幫我貼上眼貼, 以防被激光射到雙眼~

開始的時候, 會有凍風吹住塊面, 應該係令到塊面冇咁痛既''*
跟住醫生就用儀器黎進行療程啦, 每一下整落D斑既位置上會聽到"撻撻"聲~
好似D電蚊拍有蚊飛左埋去既聲咁, 之後就會聞到有少少燶味!!!
因為搽左麻醉膏既關係, 所以唔係好痛''
不過對我哩D勁怕痛既人黎講~我都覺得算係少少痛架啦~

醫生好快手咁整哂雙邊面''*
跟住就比塊鏡我睇下整左邊幾個位~(見到都覺得恐怖, 點出街見人><)
塊面都好深色一點點, 仲好紅TIM~

之後STAFF 就幫我搽上凍GEL幫我舒痛同埋減紅''*
岩岩搽完真係覺得好舒服, 不過之後就開始拿住痛啦.....~
真係有少少灼熱感~


敷左半小時左右, STAFF就入黎幫我抹走凍GEL~~
幫我搽返D面霜就大功告成啦''*
佢帶返我去COUNTER個度, 簽返張Receipt''* 之後就去左整返個頭~
醫生仲比左盒藥膏我返去搽~


係抗生素來的~~要搽足4日, 每日搽3次!!!
最緊要最緊要既就係....一定要搽防曬丫~~ (醫生叮囑的)

看看當天做療程前及療程後的相片''*

療程後當日影的, 好似損左咁既, 仲有少少紅同埋腫~
都有少少痛, 不過冇結焦的!!!

Day2~4

已經冇紅啦, 亦都冇結焦~ d斑就變深色左~
佢地係皮膚上係平滑架....不過太散既關係....太覺眼了!!!

Day5

d斑斑已經消失左唔少啦~!!!! 不過仲有d未退哂~
最大粒個粒(圈圈位) 淡左好多呀...真係好神奇呀!!! 變到唔多覺眼咁丫~!!
比起岩岩做完療程個時真係完全唔同喔~!!!


做一次療程既成效已經好快見到!!!真係好神奇呀~~~

如果大家對今次既療程都有興趣既話, 可以約見醫生了解一下自己既皮膚狀況同埋有一次免費既皮膚諮詢喔~!! 各位可以係以下網址登記:
http://www.evvus.com.hk/edm/201007/CELLE0810I/form.aspx?ref=CBEBG1110H

20101128

大愛綠茶產品~ H2O+綠茶抗氧化激活眼霜

眼紋, 眼袋, 黑眼圈係女人既天敵''*
一擁有以上幾樣野既時候...你雙眼就變得好無神采!!!
所以我地一定要努力去擊走佢地!!!

今次試用既就係H2O+既綠茶抗氧化激活眼霜''* $320/15ml


~H2O+全新綠茶抗氧化激活眼霜獨有:
三倍抗氧化配方包括日本綠茶精華
巴拉圭茶(又名瑪黛茶)精華
紅海藻保濕因子

以上成份可以針對眼部既幼嫩肌膚:
有效截擊游離基對肌膚的侵害及疏通運輸管道
延緩肌膚老化, 迅速淨白去黃, 沖走黑眼圈
可強化眼肌細胞的抵抗力, 預防氧化情況出現


眼霜中加入咖啡因成份, 可以促進眼部肌膚血液循環及細胞新陳代謝''*
有效排走於眼周積聚的毒素
~


它以日本綠茶粉既盒作為包裝, 冇睇清楚都真係以為佢係綠茶來的喔!!!!
打開就會見到一樽eye cream''* 細細樽原價都要$320的呢~
同埋佢係made in USA架...各位大可以放心使用呢!!!!


打開蓋, 有一塊膠片隔住, 以防eye cream流出~!!!! 保持衛生~
有了這塊膠片可以方便我用來抹取眼霜~哈哈~~( 整左gel甲唔多方便)

眼霜呈蝦肉色的, 取少量份量就可以搽滿眼的周圍~
很容易推開及吸收, 一樽可以使用很久呢~


連續使用後的效果, 看看黑眼圈都有淡到少少!!!
但是眼袋就未有明顯的減淡, 原因應該是我太夜訓吧~

最好的使用方法, 當然是盡量每天11時前睡覺再加上使用眼霜產品吧!!!!
可惜太多的節目及習慣, 12時前訓已經是算好的吧~哈哈!!!

綠茶是我喜愛的飲品, 當然甜品, 雪糕我一樣咁喜歡啦~
今次可以使用埋綠茶的護膚產品, 真係令我更加喜愛呢, 因為它有抗氧功效~
可以美白去黃, 唔知我幾時先可以唔駛帶埋隻熊貓出街呢~

20101125

又來新一款的GEL甲

今次既GEL甲款都係以簡單為主''*

以粉紫紅色+珍珠白做底...''*
再用金, 銀色線畫心心~ 之後畫左3隻蝴蝶就大功告成啦!!


不過好似閃得滯, 跟本睇唔到畫心心既線''* 失策呀!!!!

等我諗定聖誕節整咩款先~!!

20101123

4條1~慶祝HONEY又老一歲既生日飯 @ 味竹燒肉店

4條煙~~就係我既HONEY生日既日子啦!!!
今年都係簡簡單單地食餐飯, 睇套戲咁樣係正日慶祝就算啦~

今次DINNER既地方仲要係佢揀既添~呵呵~
我地揀左係太古度食, 因為咁岩係個度睇戲丫嘛''

就係哩間啦~!!!
味竹燒肉店 Mitake Yakiniku


我地個日7點幾去到, 可能因為平日既關係, 冇乜人''*
所以我地就坐係卡位啦...~!!! 點好哂野食, 佢地就比左d醬汁我地lu!!!


係咪好心急想睇下我地點左d咩野食呢!??

我地點左8樣野黎食喔''*
意式香草羊架, 牛肋肉, 生牛肉, 超甜粟米, 豬肋骨, 生蠔牛肉卷, 牛尾湯~!!!
仲有雜錦海鮮呀!!! 係唔係好豐富呢???

D野食好新鮮架, 好好味!!! 我最鐘意食既係牛肋肉呀!!! 超正!!
個生蠔牛肉卷夠哂特別, D牛肉有生蠔味, 食生蠔個時有牛肉味~~~
個牛尾湯好清, 真係YUMMY喔!!!


食得七七八八就開始燒海鮮啦!!!! 好好味呀~~


我仲將2隻蝦砌成 ♥♥♥心形蝦♥♥♥ TIM~


最後當然要食我最喜愛的綠茶雪糕啦!!!!


今次埋單盛為900大元~''* 一年一次, 都值得既~
(原因係我地叫左海鮮既關係)


哩間鋪頭係位於太古城拾圃附近架!!!

地址: 太古城太豐路3號金星閣地下1019舖

20101121

體驗黑鑽的力量吧, 令受損頭髮變閃亮!!! Lux Super Rich黑鑽極致修護系列

貪靚一族經常都會娥自己的頭髮變更''*
染髮, 電髮, set頭, 甚至每天都會使用直髮, 捲髮器!!!
日積月累令到我們的頭髮受損, 變得乾旱開叉的問題更嚴重~

而我經常染髮令至頭髮很乾旱...真的令人煩惱~!!
今次可以試用Lux Super Rich黑鑽極致修護系列, 終於可以幫我既頭髮急救一下!!!


LUX 日本黑鑽極致修護洗髮乳, 潤髮乳 & 護髮霜

這系列是最新推出, 日本研制~
含有Pico 氨基酸微粒, 可深入3層髮絲, 填補受損髮芯小孔
7日間2倍補修受損髮絲, 令秀髮回復閃亮無暇
能加強髮絲強韌, 滋養髮絲, 形成保護膜
幫助秀髮抵抗染燙造形的髮絲損傷

LUX 日本黑鑽極致修護洗髮乳 200ml

金色的包裝, 開蓋位貼住貼紙的喔, 撕開貼紙禁一下就開到了!!
是made in Japan的呢''*


洗髮乳呈金黃色的, 加少少水已經超到泡泡架啦!!!!


洗完頭就要用潤髮乳架啦''*
LUX 日本黑鑽極致修護潤髮乳 200ml

都係金色既包裝, 開蓋位貼住貼紙的呢!!!


潤髮乳呈淡黃色的, 都幾容易推開的!!


最後就是使用護髮霜啦!!!
LUX 日本黑鑽極致修護護髮霜 190ml

金色包裝, 需要打開蓋唧出來的~!!!


洗髮及潤髮後, 將頭髮多餘的水份擦乾~
使用大約兩個中湯匙既份量塗勻於頭髮上, 加以按摩3分鐘左右就可以清洗!!
他們還建議每天都使用的喔~~

護髮霜呈淡黃色, 比潤髮乳"杰"身少少!!!


使用左3天後, 看看我既髮質有咩轉變啦!!


使用後我覺得有少少改善到, 沒有之前那麼乾旱''*
比較柔順了~包裝上說連續使用7日就會有更明顯的效果呢!!!
這系列我最喜歡的是有少少花香的味道''*
未打開包裝時已經聞到的了!!!

本身我都係用開lux的洗頭水及護髮素的~!!!
可以使用他們最新推出的系列確實很高興呢~~~
這系列的潤髮乳很好用, 令我的頭髮不會打結及用後很柔順!!!

多謝BE x Lux今次的試用~令我有如黑鑽般的閃亮秀髮!!!

20101120

熊貓眼我要你快快消失!!! Institut Esthederm 緊緻修護眼膜

要雙眼明亮醒神...就當然要睇落去眼仔大大''*
又要冇眼袋同黑眼圈啦.....!!!

可惜太多既夜生活節目...生活日夜顛到, 令到黑眼圈越黎越大!!!
幸好有幸試用眼膜啦~~ (我個熊貓眼有救啦!!!)

今次試用既就係~~
Institut Esthederm 緊緻修護眼膜  $476 / 10pcs



Esthederm 重整護眼膜
立即解救脆弱的眼部輪廓, 黑眼圈, 浮腫, 倦怠 & 疲勞的跡象明顯的減少
能促進眼周循環, 改善黯沉現象
使用後, 眼周肌膚看起來更加亮眼, 更顯年輕


一盒入面有10pcs架...全部獨立包裝的喔''*
盒內亦有坑紙雙重包裝呢.....同埋佢地係made in France架!!!


獨立包裝, 一包2片的!!!
設計亦很貼心, 係正面的右上角有個開口位, 劾便撕開包裝紙呢!!!


打開包裝袋就見到一塊透明膠片夾住眼膜~
以防眼膜變了形, 亦是很細心的設計!!!


眼膜精華的分份有:
玻尿酸, 咖啡因 & 蘋果精華等成份

修護系統     ~ 天然植物複合素有助重整肌膚結構, 提升肌膚彈性, 促進肌膚更新 緊緻機制     ~ 提升肌膚, 緊緻組織 時光機制     ~ 含抗氧化物及水溶性維他命C, 可延緩老化因素的形成 青春活力水  ~ 有效維持肌膚細胞活力

敷上眼膜5分鐘左右就可以撕下, 再加以按摩''*



眼膜size都幾大...可以遮哂個眼圈位&眼尾位~!!!
撕下眼膜後還有些少精華, 亦很保濕清爽, 敷完眼肚位唔會好緊~
敷的時候眼膜唔會移位, 亦唔會"拿"眼!!!!

使用了十天, 可惜這十天都很少早睡, 所以熊貓眼都依然存在!!!
不過已經淡了些少, 很不錯喔!!!!