新舊區交替既【土瓜灣】就係其中之一"*
今次就同朋友扮下文青~~
黎到土瓜灣呢個地方影下相, 食下野, 發掘 D特別野!!!
中午黎到當然要食個午餐先"*
見好多街坊都推介【譽麵坊】既南乳雞球米線 (HK$31)
炸得好香口既雞球新鮮熱辣咁上台, 旁邊配有南乳醬；
就算唔蘸醬都好好味, 皮脆內裡好嫩滑!!!
跟米線既雞球份量都幾多, 件件都好大件, 差唔多有成 6舊架~~~
個人覺得好抵食"*
譽麵坊
地址：土瓜灣新山道 6號地舖
營業時間：星期二至日 11:00 - 22:00 (星期一休息)
之後就行左去【牛棚藝術村】
牛棚以前係一個牛隻既中央屠宰中心, 宜家改建為牛棚藝術村"*
入面全部都係特色既紅磚及鋪瓦尖頂單層平房!!!
仲保留左長長的水泥槽, 通花鐵欄裝飾的大門和窗戶"*
而且呢度仲係三級歷史建築文物黎架~~
牛棚既綠色大門亦係其中一個必影地點!!!
而入面就係不同藝術工作者及藝術團體既工作室~~
行入少少仲有幾間工作室種左好多植物；
亦係影相既 CHECK POINT 位~~~
牛房與牛房之間既通道, 跟藍天白雲既天氣及翠綠既植物；
很有大自然既感覺~~
牛棚藝術村
地址：九龍馬頭角馬頭角道 63號
開放時間：上午 10時至晚上 8時 (免費入場)
影完相食個 Brunch~~
今次就係呢間居廬 Take A Break cafe!!
就點左個焗黑松露炒蛋牛角包及 Hazelnut Latte；
味道不錯, 份量都幾大, 見到炒蛋都滿瀉出黎!!!
而咖啡香濃又有拉花, 真係可以係呢度待上幾個鐘呢~~~
居廬 Take A Break cafe
地址：土瓜灣北帝街 147號地舖
營業時間：星期一至日 11:00-22:00
走出牛棚, 就係馬頭角道既十三街舊樓群"*
全部舊樓建築既樓齡都超過 50年架!!!
而且每棟都係不同顏色既外牆, 色彩鮮艷；
係對面街影過黎仲好靚添, 影靚相同扮偽文青一流~~~
絕對係土瓜灣必到既一個地方"*
之後可以去食個甜品!!
呢間食乳酪雪糕既 COZY Yogurt 睇個樣都唔錯~~
有 8款 set 好左既乳酪選擇"*
今次就試左 YUZU YUZU (HK$45)
底層有柚子果凍, 餅碎脆粒, 配上原味既乳酪；
再有熱情果爆爆珠, 白玉 (本身係原味糯米滋, 點知賣哂) 及柚子醬!!!
個樣金光閃閃咁, 食落酸酸甜甜；
原味乳酪個種微酸既味道, 係我鐘意既口味~~
爆爆珠加埋餅碎脆粒令食落多左口感!!!
COZY Yogurt
地址：土瓜灣北帝街 105號地下 A舖
營業時間：星期一至日 12:30-22:30
土瓜灣另一個為人熟悉既地方就係【8度海逸酒店】
佢地既 Cafe 8 Degree 既 Buffet 好多人介紹；
多野食之餘價錢又唔貴, 仲成日有 promotion 添!!!
Dinner Buffet 食物款式都幾多"*
有生蠔, 蟹腳, 龍蝦, 鵝肝, 刺身, 皇牌芒果拿破崙, 軟心芝士撻同埋心太軟!!!
樣樣都好新鮮又好味, 價錢只係四百幾蚊, 仲可以 encore 多幾輪；
Buffet 黎講真係算性價比高~~~
8度餐廳 Café 8 Degrees
地址：土瓜灣九龍城道 199號 8度海逸酒店地下
自助晚餐時間：18:00 - 21:30
土瓜灣呢個地方雖然唔大, 但係充滿懷舊氣息~~
偶爾黎感受一下舊區既感覺, 周圍走走可以 refresh 一下自己；
亦可以識認以前既香港, 的確不錯!!!
♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥
歡迎大家跟我聯絡喔~
Email: winniecard@yahoo.com.hk
BeautyExchange．BeautyLife．BlogDB．Blogspot．ELLE．FanPiece．iTrial．Miniwise．
MyCossip．Qooza．QoozaBeauty．she.com．Sina．Style-Tips．theZtyle．UBlog．
WeShare
Kami 嘉美 の 貪靚鬼愛分享
Pomote Your Page Too
沒有留言:
張貼留言