係屋企食就會落手落腳食得較自在, 但出街食就要就住就住啦~~~
這次一班女仔朋友來到位於銅鑼灣的【喜記蟹將軍】
紅色燈牌配特別的店名, 很威武的感覺!!!
店內裡以中式的設計~
洗手的地方設於洗手間外, 方便食完蟹後即可潔手!!!
這裡更設有獨立房間, 最合適大伙兒的啦''*
"喜記" 以蟹為主, 就連碗碟都有 "蟹"為標誌~
而台上亦備有中式及西式用的餐具''*
先來前菜開一開胃, 這三款為【風味三小碟】
包括：陳醋木耳 (HK$38), 百味豆腐 (HK$48) 及醉豬手 (HK$68).
木耳很爽口, 塊塊都又大又厚身, 食落酸酸好醒胃；
豆腐外脆入軟滑, 上碟時都係熱辣辣的, 好香口又唔油膩；
醉豬手肉質很爽很彈, 加上微量酒味, 不會太濃烈, 恰到好處!!
❤ 招牌將軍令 (HK$68/位)
這個至尊版既炒辣蟹, 絕對係為方便女士而設的!!!
每日新鮮拆蟹肉伴少量蝦膠製成, 每件都用上足三兩的蟹肉架~
而形狀亦有點似【將軍令】
炸成金黃色的樣子伴上蒜蓉, 豆豉, 辣椒炒成；
外面香脆, 內裡鮮嫩彈牙, 啖啖肉既口感, 加上辣辣地既味道好惹味''*
而且我地仲可能用上刀叉黎食, 保持儀態~~
當然豪邁既我地就梗係落手拎住食啦, 一啖咬落去, 超正!!!!
這個值得推介, 係必食的喔''*
❤ 黑松露波菜汁蟹鉗 (HK$68/位)
很創新的配搭, 怎會想到波菜汁會跟蟹鉗係Match 得到???
這是選用意大利松露及新鮮菠菜汁製作, 配上每日新鮮拆蟹鉗而成的一道菜~
清新香濃的黑松露波菜汁意想不到同蟹鉗好夾；
味道絕無蓋過蟹的鮮味, 蟹鉗肉質厚實, 啖啖蟹肉!!!
就連個波菜汁都飲清, 真係既健康又好味''*
這道菜都很推介給大家呢~~
一定要試試!!!
❤ 蠔皇扣鮮鮑 (HK$68/位)
用上蠔油來炆鮮鮑魚, 味道濃郁, 鮑魚又夠軟腍~
伴上菜心作配搭, 食完再食D菜就唔會太膩''*
❤ 芥末網蝦球 (HK$88/位)
蝦球炸至微脆再以沙律芥末作為醬料!!
肉質爽口, 味道是帶點微甜及微辣, 這就是沙律芥末醬的作用~~
互相配合出溫和的味道, 不錯''*
而蝦球大隻到想一整舊放入口都唔得呢~
❤ 多寶魚兩食 - 炒球+炸骨 (時價)
多寶魚係屋企都成日食, 不過就唔知點樣可以兩食法!!!
他們將多寶魚肉炒球, 味道又鮮又嫩滑；
再將整條魚骨炸至香脆, 但唔覺有骨係入面, 岩哂喜歡吃炸物既朋友~~
❤ 金牌牛肋骨 (HK$188)
這款絕對係手工菜色, 先將牛肋骨去燜再炸將外皮炸脆；
而其精粹就在於那個秘製的醬汁, 它是於燜時滴出來的牛肉汁及加上芡汁而成!!!
牛肋骨的味道很香濃, 肉質軟腍~
食既時間可配上醬汁食, 令其味道再更濃郁!!!
❤ 蟹油炒麵 (HK$72)
用上蟹油及乾蒜來炒麵真係第一次試~
麵質炒得乾身亦不算太油膩, 帶有蒜香但冇乜蟹味''*
❤ 蟹肉蠔仔泡飯 (HK$88)
不喜歡吃白飯的我, 最喜歡吃泡飯!!!
這個蟹肉蠔仔泡飯用上很肥美的蠔仔及鮮甜的蟹肉, 令整碗泡飯都變得鮮甜無比~
而飯上仲放有一粒粒的炸米通, 食落有特別既口感~
食到最後, 當然少不了甜品啦!!!!
有招牌奶皇流沙包 (HK$24/3隻) 及楊枝甘露 (HK$30)
熱辣辣既奶皇流沙包, 一撕開入面的奶皇就傾包流出；
即刻聞到甜甜的奶皇味道, 食落唔會太甜太膩!!!
(我絕對可以食哂三個呢 ❤❤❤)
而楊枝甘露十分足料, 甜度適中, 芒果及西柚又唔會太酸~
凍冰冰既楊枝甘露每一啖都好多配料, 夏天食最透心涼, 好滿足呢''*
食左咁多好味既菜式, 非常滿足!!!
大家都可以試下我推介既幾款必食之選喔~~
會有意想不到既驚喜呢''*
喜記蟹將軍
銅鑼灣謝斐道440號地下及地庫
尖沙咀彌敦道63號iSQUARE 國際廣場6樓602號舖
♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥
歡迎大家跟我聯絡喔~
Email: winniecard@yahoo.com.hk
BeautyExchange．BeautyLife．BlogDB．Blogspot．ELLE．FanPiece．FnB．iTrial．MyCossip．
Qooza．QoozaBeauty．she.com．Sina．theZtyle．UBlog．WeShare
Kami 嘉美 の 貪靚鬼愛分享
Promote Your Page Too
沒有留言:
張貼留言