最重要既原因係食材新鮮及即叫即整!!!
今次黎到位於銅鑼灣既高級日本料理店【千里之月鮨旬菜】
主打是師傅發板 Omakase, 可嚐嚐當天新鮮的食材, 可說是有口福呢!!!
店內裝潢裊簡潔光猛, 坐的是壽司吧臺位置；
師傅會係你面前即時處理食材過程, 完全係即切即食的喔~~
更發現這裡的筷子係分兩部份；
筷子頭係即用即棄的, 用完就會掉棄, 十分衛生呢!!!
所以係食野之前記得安裝好對筷子喔"*
等食期間, 店員端上枝豆~~
可以邊食邊等師傅慢慢製作!!!
今晚的 Omakase 會有 10款刺身, 5款壽司, 熟食, 湯物及甜品''*
新鮮拆殼的北海道帶子, 食用時可蘸上煙燻海鹽~~
肥美既帶子很爽口, 蘸上海鹽更可帶出本身的鮮甜味!!!
好大隻的牡丹蝦, 師傅已經剝好蝦身的殼；
色澤光鮮, 黏得來又爽口的肉質, 好鮮甜, 再食埋蝦頭的蝦膏, 唔腥之餘又甘甜!!!
唔鐘意就咁食蝦頭既話, 可以叫師傅炸左佢或煮湯的''*
響螺刺身：
加了青檸汁及柚子皮, 食落味道更清新鮮甜且沒有腥味；
咬落仲超爽口添~~
仁座鯛：
油脂分佈很平均, 魚味不算濃；
厚切的關係食落帶有半爽半溶的質感!!
章紅魚腩：
魚鮮味重的章紅魚腩, 其油脂較重,食落淡淡魚脂呢~~
金目鯛：輕輕燒一燒迫出魚的油脂, 食落多了份軟腍腍的感覺
深海池魚：油睹較多的腩位, 魚味重但很爽口
油甘魚：魚味最重, 而且油脂超豐富, 非常嫩滑
喜知次：屬於魚王既喜知次, 經微燒後暖暖的帶出魚肉更嫩滑的口感
吞拿魚腩：拖羅不用多說, 入口即溶, 超正!!
食完刺身, 可以食返D 漬物清一清味蕾~~
分別有：酸蕎頭、牛蒡、辣蒜
湯物是【舞茸菇湯】
清甜的湯可以中和返之前的油膩感, 帶有香濃的菇味~~
熱騰騰的很暖胃!!!
熟食分別係 A5 和牛配慈菇~~
A5 和牛配上燒汁, 牛味濃郁且半溶的口感, 不錯!!!
而慈菇食落好似薯仔咁, 好得意"*
碗物有豆乳蒸蛋~~
蛋蒸得剛好, 非常滑溜, 配有蟹肉及海膽, 味道多了份鮮甜味!!!
最後就有 4款壽司~~
鹽水海膽：份量超多的海膽, 超級鮮甜, 沒有馬糞的味道, 絕對是我愛的口味!!
吞拿魚赤身：配上黑魚子, 多了份鹹鹹地既香味, 而且冇根食落好滑嫩
吞拿魚拖羅：
輕輕燒過的拖羅, 迫出很香的油脂, 中間夾有蔥花可一解油膩, 有入口即溶的口感
海鰻 (穴子)：
燒過後再用兩種調味, 先食岩鹽的, 食到本身海鰻的味道；
鰻魚汁的濃郁惹味, 海鰻肉質細滑真是各有特色呢''*
另外佢地所用的米是胚芽米, 極為健康!!!
亦是香港首家使用這種米的店鋪來~
最後甜品有靜崗蜜瓜, 超清甜的喔!!!
還有我喜歡的綠茶雪糕~~~
這一餐 Omakase 每人約 HK$1000 左右；
超豪超正的味覺享受, 值得的喔"*
千里之月鮨旬菜
地址：銅鑼灣渣甸街 50號渣甸中心 6樓
♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥
歡迎大家跟我聯絡喔~
Email: winniecard@yahoo.com.hk
BeautyExchange．BeautyLife．BlogDB．Blogspot．ELLE．FanPiece．iTrial．MyCossip．
Qooza．QoozaBeauty．she.com．Sina．Style-Tips．theZtyle．UBlog．WeShare
Kami 嘉美 の 貪靚鬼愛分享
Promote Your Page Too
沒有留言:
張貼留言