既可以食好野而可以慢慢坐低飲下野暢談一番''*
中環區有好多高級又望海景既餐廳~
唔會太貴但又有靚景既今次哩個介紹一定岩大家!!!
就係位於 IFC 4樓既玻璃屋 GLASSHOUSE 啦~~
名副其實整個餐廳都係落地玻璃, 仲可以睇到維港景色架!!!
餐廳燈光較暗, 有種浪漫醉人既氣氛~
而且設有SOFA 位及 BAR 台位置, 視乎大家當天想飲野聊天, 還是舒適地食野啦!!!
其實他們仲設有露天坐位''*
餐廳以新派 Fusion 國際菜, 菜單由小食, 沙律, 輕量既主菜為主!!!
但餐牌就以是全英文, 如果可以加埋中文就最好啦~~
唔想睇英文餐牌, 餐廳亦提供平板電腦的圖片餐牌, 就咁可以睇圖揀菜式''*
首先我 Order 左杯 1664 BLANC 啤酒先!!!
其實想飲1664 好耐架啦, 但好多餐廳都係以支裝出售；
難得這裡係桶裝沖出, 所以一定要 order 啦~~
先黎幾款小食作前菜先''*
❤ 炸著條配黑松露沙律醬
香脆熱辣既炸著條新鮮炸起, 非常可口, 配上黑松露沙律醬很開胃~
❤ 炸大蝦
Double malt organic battered crispy parwns with avocado and lime dip
炸至金黃色既大蝦, 炸粉唔厚, 咬落去就係啖啖既彈牙蝦肉~
❤ 辣味雞翼
Spicy Sambal Chicken wings
雞翼的色澤燒得好靚, 味道只有少少辣, 但肉質亦很嫩滑~
❤ 煎鵝肝配花生醬多士
煎得剛好既鵝肝, 唔油又唔膩, 仲入口即溶~
連埋塊搽左花生醬既脆多士, 真係好得別既味道, 估唔到咁夾''*
而且仲有細細粒既橘子可以中和番個濃味感添!!
❤ 西班牙風乾腿配蜜瓜波及花生醬多士
就咁食 Serrrano Ham 既味道都唔會太鹹, 剛剛好；
如果夾埋蜜瓜波同多士一啖過, 配搭非常正, 變得好有層次!!
❤ 軟殼蟹凱撒沙律
食西餐必點既 SALAD, 今次揀左軟殼蟹, 仲有隻溫泉蛋添~
軟殼蟹外脆內軟, 都不錯!!
❤ 煙三文魚紙米卷
薄薄既米紙包著好多餡料, 如生菜, 煙三文魚, 魚子, 蝦等等...
咬落好有口感, 略嫌味道較淡~
之後就到主菜啦!!!
佢地既主菜都以輕量為主''*
❤ 和牛扒配黑松露炒飯
半生熟既和牛很鮮嫩, 而且好Juicy, 可配上燒汁或芥末醬；
黑松露炒飯方面有點像意大利飯, 但覺得不夠汁, 如果真的配上意大利飯就更好了!!
❤ 意大利蜆意粉
蜆肉都新鮮大隻, 但意粉偏鹹~
❤ 煙燻厚吞拿魚扒
一樣半生熟既吞拿魚扒, 好厚好大件, 而且不夠嫩滑, 有點"鞋"口
需要改善改善一下~~
最後就來到我最期待既甜品時刻啦~~
佢地既款式都好多, 真係好想樣樣都食齊啊!!
❤ Candy Crush
很有趣的名字, 跟遊戲內的糖果真係差不多喔!!
內裡有三款不同味道的雪糕球, Oreo 餅, 棉花粒, 聰明豆等等放置於石頭碗~
之後再用石盅將所有的整碎混合就食得啦~~
❤ 椰子雪芭
用冰震整住椰皇, 內裡是像雪芭般的椰子雪糕, 很清甜的味道~
仲有椰果肉係面頭, 夏天食真係涼浸浸, 好爽!!!
❤ 香蕉法式焦糖燉蛋
上層係鋪滿香蕉片, 下層是焦糖燉蛋~
之後就開火燒一燒佢,, 令面頭的有一層脆焦糖!!
跟住就淋上咖啡酒, 令味道更香!!
焦糖燉蛋很軟滑, 而且第一次配埋香蕉一齊食, 好特別~~
推介一個甜品呢''*
一個浪漫氣氛既晚上, 跟好友們暢談一下旅行趣事!!
又有美酒佳餚, 真係非常滿足呢~~
GLASSHOUSE
地址：中環港景街1號國際金融中心商場 4樓 4009號舖
電話：2383 4008
歡迎大家跟我聯絡喔~
Email: winniecard@yahoo.com.hk
theZtyle．BeautyLife．BeautyExchange．FnB．she.com．ELLE．Sina．Ubeauty．Qooza
．Blogspot．BlogDB．FanPiece．WeShare
Kami 嘉美 の 貪靚鬼愛分享
Promote Your Page Too
沒有留言:
張貼留言