係尖沙咀區, 位於厚福街既 H8 亦是我們經常覓食的大廈；
最近又發現新進駐既餐廳!!
就係位於 2樓的 Espuma''*
這是一間西班牙特別咖啡店, 亦是 ScarNov Coffee Group 旗下的餐廳!!!
而且這裡的咖啡均用上 Cafe Novell 出品的咖啡豆喔~~~
這裡的裝潢都十分有特色!!!
顏色及設計都有異國風情的感覺, 就連濕紙巾都用上馬賽克的圖案''*
大家亦會發現出電梯後左右兩旁的黑板上的畫嗎???
都是親手畫上的喔, 很有藝術的感覺對吧~~~
大家都點上不同的飲品~
友人們 Order 了特別的薄荷朱古力瑪奇朵, 焦糖瑪奇朵及熱水果茶!!
全部都係台式飲品來的喔!!!!
我就點了凍的招牌水果茶~~
都有好多不同既生果, 味道則較台灣的淡少少, 清清地都不錯''*
先來餐前小食：黑松露醬薯條
最近好多餐廳食物都用上黑松露, 宜家就連薯條醬都 upgrade 埋''*
這黑松露醬混合了酸忌廉醬, 肉碎令食落更有口感~~
好濃又好香, 不自覺地吃不停；如果薯條可以再脆 D 再熱 D 就更加好啦!!!
份量都算適中, 適合三五知己閒談時享用''*
❤ 西班牙火腿菠菜奄列
這個厚厚奄列入面正如菜名有薯仔片, 火腿, 洋蔥, 菠菜等餡料；
外面煎得微燶, 而奄列內的蛋醬仲有熱辣辣且流心的喔~~
❤ 黑白芝麻吞拿魚卷
賣相很有心思, 配上新鮮的沙律菜作伴碟；
黑白芝麻吞拿魚卷上更放了蕃茄粒, 更突出嫩嫩魚肉的鮮甜味!!!
可以蘸上有芥末味的沙律醬, 是另一種味道~~
❤ 特式粟米薄脆
大大碟的墨西哥薄脆片, 配上酸忌廉, 牛油果醬, 酸瓜粒及蕃茄粒, 非常搭配!!!
令人食指大動, 香脆的脆片令人食極唔停, 好清新的味道~~
用來佐酒就最好不過啦''*
到主菜方面：西班牙薄餅
迷你版的 pizza, 配料只有西班牙臘腸及火箭菜；
但拉開 Pizza 時只看真的超多芝士, 食pizza 最美味的就在這重點!!!
批底又夠香脆, 不錯''*
❤ 黑松露醬炒鮮雜菌寬條麵
好香濃的黑松露味道再一次呈現眼前, 今次配以寬條麵及雜菌~
寬條麵彈牙, 而且很入味, 份量以輕食來說都算適中''*
而這配搭全都是我十分喜歡的材料呢!!!
另外兩款主菜分別係：
❤ 海鮮西班牙炒飯
❤ 南瓜栗子燴飯
吃西班牙菜當然要食西班牙飯啦, 這裡的飯都係以細碟為主~
這樣就可以點多幾款菜式, 跟朋友 share 多幾款啦!!!
西班牙炒飯跟意大利飯一樣, 外軟內硬, 食落會有點口感''*
個人喜歡海鮮西班牙炒飯, 帶點辣辣地很惹味；
而南瓜栗子燴飯, 芝士味較重, 所以較為濃味, 反而吃不到南瓜味道~~
最後就係我們期限已久的甜品環節啦~~
聽說這裡的甜品有很多款式唷''*
❤ 伯爵茶焦糖燉蛋
這個真的超推介, 伯爵茶味非常濃郁, 配上那層脆脆的焦糖；
變成入口即溶的口感, 從不食過這樣配搭的 Cream Brulee 喔!!!
燉蛋十分嫩滑, 另外上面的咖啡豆焦糖片亦是其中一個 checkpoint, 味濃且特別''*
品嚐完後, 那伯爵茶的味道依然於口裡回香~~
真係心思思想食多一杯唷!!!
❤ 鮮雜果麻糬窩夫配雪糕
這個是半份的份量, 可見它很平時的窩夫形狀是不一樣的喔!!!
它是心型來的, 如果一整份的話就會是 4件心型拼湊成的花朵窩夫~~
真的特別有心思, 情侶黎食更加甜思思呢''*
上台時窩夫是熱辣辣的, 窩夫裡面包著煙韌的麻糬；
外脆內暖, 食落又唔覺得太膩~~
同時可配上在旁的草莓雪粑球, 吉士醬, 忌廉, 黑糖漿或生果一齊食!!
味道都很搭配的, 隨個人喜好配搭出自己的口味''*
另一款是抹茶麻糬窩夫配雪糕
這款有點像日式甜品, 充滿濃郁的抹茶窩夫配抹茶雪糕；
開正我杯茶呢, 抹茶怪必吃之選!!!
窩夫入面同樣是麻糬餡, 煙煙韌韌的~~
旁邊配有吉士醬, 紅豆蓉及黑糖漿, 可隨意蘸上''*
最後就是這個新推出的甜品：鮮雜果班戟串燒
一串 4個的雜果班戟, 賣相十分精美特別, 令人未食已覺可愛''*
每個班戟都夾著不同的鮮果, 就像平時食的熱香餅般~~ (這是個迷你版來的喔)
再蘸上忌廉醬或黑糖漿一同食用, 就這樣由早餐變成一個甜品啦!!!
相信小朋友會很喜歡的說''*
吃了這麼多款式的 Fusion 西班菜, 由小食到主菜到甜品都非常不錯''*
十分適合情侶, 好友相聚, 以及愛吃甜品的女生都必定喜歡這裡~~
這裡人流都很多, 用餐時都見到有很多人排隊等位；
walkin 真的可能有排等架, 唔想失望記得預先 book定台喔!!
Espuma
地址：尖沙咀厚福街8號 H8 2樓
電話：2739 2080
♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥
歡迎大家跟我聯絡喔~
Email: winniecard@yahoo.com.hk
BeautyExchange．BeautyLife．BlogDB．Blogspot．ELLE．FanPiece．FnB．iTrial．
MyCossip．Qooza．QoozaBeauty．she.com．Sina．theZtyle．UBlog．WeShare
Kami 嘉美 の 貪靚鬼愛分享
Promote Your Page Too
沒有留言:
張貼留言