不太吃得辣的我竟然非常喜歡吃泰菜!!
今次又搵來新開無耐既泰式菜館：泰園
位於尖沙咀金馬倫廣場 2樓~
步入餐廳就見到泰式的擺設 (應該間間泰菜館都會擺放類似的吧~~)
以白色牆身配以綠色皮椅及深木色臺, 裝潢簡單舒適!!
牆上亦掛上不同的食物圖片''*
最近新式的泰菜館都設有海鮮吧；
擺放住每天新鮮入貨的各或各樣海鮮, 如老虎蝦, 大頭蝦, 元貝, 貴妃蚌等等....
相信這裡是以海鮮為主打菜式!!!
先來的必定是泰菜必吃：泰式生蝦 (HK$108)
一碟 8隻的生蝦刺身配上泰式醬汁, 而這裡的辣椒片都幾辣的；
唔食得辣既就只夾上生蒜片一齊食就較好~~
生蝦爽口鮮甜, 而且夠凍!!
蘸上秘製泰式醬汁一口食, 十分醒胃''*
另一款常叫的小吃：泰式酸辣鳳爪 (HK$68)
鳳爪早已起骨, 食落啖啖肉, 味道酸酸辣辣的同樣醒胃''*
吃泰菜竟然有刺身食, 令人有多重享受呢~~
❤ 活立魚刺身 (HK$258)
這裡是兩條的份量, 一上台很有氣勢, 一片片魚生片擺放得很整齊!!!
一睇魚片的色澤都知非常新鮮''*
❤ 帶子刺身 (HK$88)
❤ 蟶子刺身 (HK$34/隻)
肥美厚身的帶子配粗身的蟶子刺身~~
意想不到這裡都有這兩款刺身呢''*
吃這個泰式刺身當然要蘸上秘製的泰式醬汁啦~~
魚生片就蘸上左邊兩款橙紅色的醬汁, 而帶子蟶子就蘸上右邊綠色的醬汁!!!
魚生片切得厚度適中, 可見得半透明的感覺, 很鮮甜；
蘸上泰式醬汁, 辣辣地又不會蓋過魚的鮮味喔''*
帶子好厚身肥美, 同樣鮮甜, 一啖食落去好有口感~~
而蟶子刺身就第一次食, 質感很爽口但味道較淡味, 所以蘸上醬汁較好''*
❤ 冬蔭公海鮮湯 (大) (HK$98)
橙紅色的湯, 辣度適中, 一上台已經聞到酸辣的味道；
湯內裡好足料, 如魷魚, 鮮蝦, 菇等等....
冬天飲返一碗真係可保暖呢~~
❤ 泰式海南雞 (全隻) (HK$140)
海南雞配上泰式醬汁及十分特別的雞油波波飯；
雞件很嫩滑又沒太多脂肪, 不錯!!
❤ 雞油香飯 (12粒) (HK$36)
一粒粒波波飯好得意, 飯粒既不鬆散~~
雞油飯又不會太油, 蘸上泰式醬汁一齊食特別滋味''*
這樣的形狀相信小朋友都特別食得多添!!!
海鮮出場~~~
大款不同製法的大頭蝦菜式：
❤ 咖哩炒大頭蝦 (HK$238)
❤ 泰式炒大頭蝦 (HK$238)
大頭蝦真係好大個頭丫!! (廢話~~)
入面仲有好多蝦膏, 經炒過後其肉質同樣爽口''*
咖哩汁甜得來帶DD 辣味, 而泰式炒的是用上辣椒膏, 味道是偏甜的!!!
有咖哩汁梗係唔少得蒜蓉包啦~~
熱辣辣的蒜蓉包蘸上咖哩汁特別好味!!!
❤ 泰式咖哩炒蟹 (HK$288)
這隻蟹大約一斤重, 咖哩較為杰身, 甜中有DD辣味；
蟹肉鮮嫩厚身, 而且又多膏, 簡直精髓所在''*
睇下隻蟹真係幾大隻下架!!!!
而且吸收哂濃味的咖哩汁, 十分惹味~~
終於到期待已久的主角出場啦~~~
❤ 泰式生醃蟹 (HK$198)
生醃蟹以魚露, 蒜頭, 辣椒及酒去醃製兩天；
所以要早兩天預訂定, 即預訂即醃製''*
雖然用既都係有蟹膏架添~~
其醬汁味較濃及偏鹹, 但蟹膏及蟹肉經醬汁醃製後沒有被蓋過；
肉質粘粘的, 非常鮮甜美味''*
香港真係無乜地方可以食到既一道特別菜式!!
加上生醃蟹未必個個人都敢食, 但係敢食的必定要試~~
實在太太太好味啦''*
最就係甜品時間~~
泰式甜品必吃的芒果糯米飯 (HK$32)
一碟有齊黑白糯米飯, 認真抵食!!!
糯米飯堂堂韌韌, 配上香甜的椰汁及芒果肉, 真是絕配~~
(究竟點解泰國人會諗到哩款咁好味既甜品架呢''*)
今餐大部份以海鮮為主, 簡直令人大飽口福~~
價錢不算貴, 海鮮既新鮮且價格夠公道''*
特別喜愛那泰式生醃蟹, 令人非常非常回味!!!
泰園
地址： 尖沙咀金馬倫道 23-25A 金馬倫廣場 2樓 A號舖
電話：3746 9966
♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥
歡迎大家跟我聯絡喔~
Email: winniecard@yahoo.com.hk
BeautyExchange．BeautyLife．BlogDB．Blogspot．ELLE．FanPiece．FnB．iTrial．
MyCossip．Qooza．QoozaBeauty．she.com．Sina．theZtyle．UBlog．WeShare
Kami 嘉美 の 貪靚鬼愛分享
Promote Your Page Too
沒有留言:
張貼留言