可惜暫時呢排都冇得去住, 唯有係香港食韓國菜頂下癮先啦!!!
早前落九龍城搵食；
突然韓燒癮起就發現【炑八韓烤】係九龍城開左新分店''*
咁就入去止下韓燒癮啦~~
這裡地方很寬敞又乾淨~
而且仲設有好多卡位, 可以更舒適地韓燒一番!!
同樣地用上韓式的抽風系統, 不會有煙包圍住及油煙味''*
先來的是數款前菜, 有泡菜, 酸蘿蔔, 凍豆腐, 洋蔥等等~~
除了沙律盤外, 全部前菜都可以 REFILL 的''*
更有生菜可以包埋燒肉來吃!!
仲發現佢地推出了新菜單, 加入了現時大熱的芝士溶岩飯''*
不過今次真係韓燒癮太利害, 我們就點了烤肉餐啦~~
另外仲有海鮮烤肉餐可以選擇添!!
更新推出了數款特飲~~
左邊的就是菠蘿特飲, 右邊的是柑桔梳打''*
這就是二人份的烤肉套餐, 份量都好多好豐富''*
三個人食都應該夠食丫~~~~
包括：
❤ 炑八牛肋骨
❤ 豬皮
❤ 炑八豬腩肉
❤ 醬油牛仔骨
❤ 大蝦
❤ 特製雞肉
❤ 牛臉肉
❤ 炑八牛筋
同樣附送邊爐泡菜蛋及粟米芝士''*
這兩款配菜每次都吃很多, 而且仲可以添加的喔!!!
另外特別推薦這套餐內的豬腩肉；
可見燒完出黎一層肉一層肥膏, 油香充足又唔太肥膩, 好正~~
強烈建設大家用酸蘿蔔夾住豬腩肉一齊食；
酸酸甜甜配上香口的豬肉, 可以中和個油膩感!!!
一啖擺入口好 yummy 丫~~
食韓國菜必食的當然係醬油蟹啦~~
這裡的醬油蟹係連紫菜飯及海帶湯, 蟹都算大隻架!!!
而且炑八既醬油蟹係採用韓國延平島藍蟹, 並在仁川醃製；
從韓國空運到港, 絕對正宗''*
醬油蟹充滿醬油香味, 好新鮮仲有好多膏啊''*
肉質滑嫩鮮甜, 黏黏地個感覺好得意, 連埋飯一齊食仲正!!!
每次都想一人食一隻呢~~~
個人感覺九龍城地方較大坐得突舒適；
而且味道都很不錯, 下次可以黎試下個芝士溶岩飯先得~~
炑八韓烤
地址：九龍城太子道西 408-410號 1樓
電話：2716 0120
♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥
歡迎大家跟我聯絡喔~
Email: winniecard@yahoo.com.hk
BeautyExchange．BeautyLife．BlogDB．Blogspot．ELLE．FanPiece．FnB．iTrial．
MyCossip．Qooza．QoozaBeauty．she.com．Sina．theZtyle．UBlog．WeShare
Kami 嘉美 の 貪靚鬼愛分享
Promote Your Page Too
沒有留言:
張貼留言