今次就黎試下以酸辣為主的泰東北菜~~
來到位於銅鑼灣世貿中心13樓的 Soi 18 THAI
原來它跟隔壁的牛禪燒肉是同集團的~~
餐廳裝潢都很泰式, 有平時見開的大象裝飾~
地方都算闊落, 一貫泰式餐廳的暗黃燈光, 氣氛不錯!!!
仲比我發現有掛有泰國既不同紙幣的相框, 真係第一次見呢''*
今次點了店員推介的椰青特飲 (HK$48)
係由椰青水及椰青肉混合而成的沙冰, 味道清甜幼滑~~
沙冰沒有太大的冰粒, 啖啖充滿椰青的香味, 比椰青更解渴''*
喜歡飲椰青的就必點這個, 超級推薦!!!
這個泰東北冬蔭清湯 (HK$68) 非常特別~
只叫了小辣, 但都十分刺激味蕾；
內裡有蝦, 菇, 蕃茄等配料, 份量頗多, 既開胃又暖胃!!!
炭燒豬頸肉 (HK$98)
外皮燒得金黃及微焦, 望上去的色水已經令人流口水''*
彈牙又口感, 食落仲充滿肉汁!!
燒得剛剛好的泰式燒牛扒 (HK$178)
帶有嫩紅的牛肉, 不會熟或太韌, 濃濃的牛味及肉汁已經出哂黎!!!
可以蘸上秘製醬汁, 連埋生菜包住一齊食, 同樣滋味''*
再來的都係肉類：泰東北燒雞青木瓜沙律配糯米飯 (HK$168)
燒雞皮脆外嫩, 充滿了雞油香, 很不錯；
配合青木瓜沙律既清新又不太辣, 而且青木瓜十分爽口''*
另外仲配有小竹籃的糯米飯~~
店員說泰國人是用手來吃這個的, 同時會先蘸上醬汁一口吃掉!!!!
煙韌的糯米飯加上酸辣的醬汁特別好吃''*
吃泰國菜通常都會有海鮮, 今次這個較特別：秘製黑椒炒蟹 (HK$388)
用上秘製黑椒汁的蟹, 味道不算辣, 有點似中式牛柳的味道；
非常惹味, 原隻蟹咁上台, 蟹鉗位置亦細心地已拆殼, 方便食用呢!!!
隻蟹鉗真係好大隻, 又啖啖肉架''*
而且這裡每日限售 5隻新鮮蟹, 所以想食就要預早訂定啦~~
麵包焗咖喱牛腩 (HK$138)
咖喱充滿既椰漿香味, 而且它是屬於甜甜的咖喱, 十分喜愛；
用上酥皮麵包蘸上咖喱一齊食真係絕配!!!
牛腩亦很入味, 軟腍且沒有筋的''*
泰菜方面我就最喜歡吃魚：酸辣汁原條蒸魚 (HK$198)
以明爐方式原條蒸新鮮烏頭魚, 酸酸辣辣的味道令魚的腥味辟走；
魚肉非常滑嫩及鮮味, 令人不知不覺成條食哂~~
成晚食左咁多肉同酸辣野, 要食返 D 菜中和返~~
清炒佛手瓜苗 (HK$88) 真係第一次食, 都幾爽口架喎!!
最後就係甜品時間：泰式椰青大菜糕 (HK$40)
佢係無糖的甜品, 只係用上椰青水及椰青肉而製成的~~
爽口的大菜糕質感, 配上椰肉, 味道十分清甜''*
亦不少得必吃的香芒椰汁糯米飯 (HK$78) 及泰式千層糕 (HK$48)
煙韌的糯米飯及黑糯米配合榔奶與芒果, 暖暖地甜甜的, 真係絕配!!!
(真係想知邊個發明的~)
而泰式千層糕亦是暖暖的上台, Q彈的質感唔不~~
它的味道仲好似泰國既三角型椰子糖呢!!!!
特別懷念這小吃的味道, 點知係 Soi 18 重遇喔''*
這裡的水準不錯, 第一次食泰東北菜竟然愛上~~
下次必定再來試試其他菜式!!
Soi 18 THAI 18巷泰國餐廳
地址：銅鑼灣告士打道280號世貿中心1302B室
電話： 2895 1312
♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥
歡迎大家跟我聯絡喔~
Email: winniecard@yahoo.com.hk
BeautyExchange．BeautyLife．BlogDB．Blogspot．ELLE．FanPiece．FnB．iTrial．
MyCossip．Qooza．QoozaBeauty．she.com．Sina．theZtyle．UBlog．WeShare
Kami 嘉美 の 貪靚鬼愛分享
Promote Your Page Too
沒有留言:
張貼留言