身子肥胖了非常多, 原因是吃得太多好味既野食啦!!!!
陸陸雞煲火鍋
地址: 旺角奶路臣街33號地下
宜家食雞煲既鋪頭越黎越來, 而且味道間間都唔同!!!
味道都唔錯,仲好足料TIM, D 雞都好滑好入味~
因為有朋友唔食得麻辣, 所以揀左少辣, 我就覺得可以再辣D 啦''*
另外叫左D 火鍋配料, 手切肥牛就麻麻地, 牛味唔夠!!!
海鮮又唔多新鮮咁, 其他都算OK 既~~
而且當日D 服務麻麻, 態度唔多好~
應該唔會再黎''*
又做BLOGGER 變成好朋友真的不易~
所以非常慶幸自己認識到你地啊''*
東寶小館
地址: 北角渣華道99號渣華道市政大廈2樓
北角很出名的食小菜的地方''*
❤ 風沙雞 ~ 皮脆肉滑
❤ 沙拉骨 ~ 肉質都算鬆化, 而且夠多涼律醬
❤ 腐乳炒通菜 ~ 一般菜式, 冇咩特別
❤ 鴨汁荷葉飯 ~ 用蒸籠裝著的荷葉飯, 味香又多料, 份量都算大
❤ 黃金蝦 ~ 好香口, 連蝦頭及殼成隻食, 脆卜卜好好味,
總括黎講都OK, 略嫌黃金蝦要以游水蝦既價斗黎計算~
一碟兩百幾蚊, 較貴囉!!
朋友還買了東海堂最新推出的巨峰の季節~
賣相好靚好吸晴, 不過入面D 流心就似咳藥水的味道啦!!!
而且食個時D 流心已經流哂出黎, 攪到好難切啊''*
德記潮州菜館
地址: 城卑路乍街3號G益豐大廈地下
香港已經得返好小傳統既潮州菜鋪頭, 真係好耐冇食過啦!!!
梗係要叫碗蠔仔粥, 鹵水拼盤; 另外仲叫左奶油津白, 咸菜蒸烏頭~
鹵味夠哂味, 蠔仔粥有好多蠔仔, 又夠大隻又冇沙, 好味''*
下次要試埋個蠔餅先得~~
雖然每次帶個哩個曳B 一定食唔得耐!!!
不過都好開心啊~~
金寶泰國菜館
地址: 九龍城衙前塱道15號地下
金寶係九龍城有好幾間鋪頭~
原來係打鼓嶺道黃珍珍既斜對面都開左間新鋪啊''*
今次揀左之前食過既金寶~~
❤ 生蝦刺身 ~ 醬汁好正, 又夠新鮮
❤ 醬爆蝦丸 ~ 熱辣辣又大粒, 好彈牙, 咬開仲流出熱辣辣既醬汁
另外仲叫左木瓜沙律, 燒豬頸肉同埋什錦串燒~
當然唔止咁少野食啦!!!
❤ 大蝦 ~ 好大隻好多肉, 不過唔夠鮮味
❤ 明爐烏頭 ~ 魚好鮮, 魚肉好嫩滑, 超正!!!
仲有好正既冬陰公湯, 什錦拼盤~~
好難得同之前年初去旅行既團友一行8人去九龍城食泰國菜!!!!
下次我地仲會再有GATHERING 架''*
牛角日本燒肉專門店
地址: 銅鑼灣告士打道311號皇室堡1樓112-115號舖
牛角大家都一定食過, 而且等位都係等成個鐘先有得入座!!!
最愛吃既一定係王樣豆腐, 娥那個半熟蛋跟醬汁拌勻一齊食~
真係好濃郁既味道, 配上滑滑的豆腐, 好味!
另外的燒餅及香蔥辣油牛舌都OK~~
之後就到燒肉出場啦!!!
我覺得最好味既都係厚切牛舌, 千其唔好燒得太熟啊~~
軟軟淋淋最好味''*
仲有必食既牛角飯, 日本米配上紫菜加半熟蛋~
拌勻後少少咸好開胃的!!!
味道濃濃的最岩我口味!!!
滿屋日本放題
地址: 銅鑼灣駱克道463-483號銅鑼灣廣場2期8樓全層
食放題就一定可以食到多款式既食物''*
滿屋係媽媽最喜歡跟同事黎Dinner 既地方, 我都係第1次黎咋!!
刺身好新鮮, 三文魚又夠厚身, 甜蝦好大隻~
見我地order 親都係成大盤咁上, 真係好爽啊!!!
另外仲熟食可以選擇, 羊架同埋焗蠔係我首推既熟食~
真係好好味, 羊架無"騷"味, 焗蠔雖然細隻, 但係味唔會, 細細粒可以食多D ''*
訂台個時話有人生日, 仲會送個雪糕蛋糕架!! (唔會CHECK 身份證架)
雖然係菠蘿雪糕, 如果6人以上會送海膽一板的''*
另外媽媽仲買左個蛋糕慶祝我生日添~~
世上都係媽媽最好''&
正日生日都要返工, 對我好好既老大請我食我想試既東海堂蛋糕!!!!
❤ 熊本の蜜語 ❤ 沖繩の菠浪
菠蘿係用上原片菠蘿, 蛋糕係菠蘿Mousse ~
這個反而有驚喜, 味道酸酸甜甜的, 口感不錯''*
Otto Restaurant & Bar地址: 銅鑼灣駱克道487-489號駱克駅16至17樓
跟親愛的來到氣氛不錯的餐廳慶祝生日~
首選都係意大利菜, 我們都點了不同菜式的 Set Dinner''*
❤ 麵包籃 ~ 麵包軟身, 而且提供3款麵包, 沾黑醋或橄欖油食都不錯
我亦喜歡沾上湯黎食添
❤ 蘑菇濃湯 ~ 好香既菇味, 仲有細細的蘑菇粒, 個湯好軟滑
前菜：
❤ 八爪魚沙律 ~ 沙律配上黑醋, 酸酸的好開胃, 八八魚亦很新鮮
❤ 水牛芝士配巴馬火腿 ~ 水牛芝士味道濃郁, 配上冇咁咸既巴馬火腿, 很不錯
主菜：
❤ 鵝肝意大利飯
鵝肝比我預期中更好吃, 入口即溶, 又唔覺漏既之感覺
飯方面較硬身, 但個汁都唔錯
❤ 日本和牛西冷扒配日式燒汁
這個十分有驚喜的主菜, 賣相非常吸引~
3成熟的和牛呈粉紅至紅色, 肉質好嫩滑, 入口即溶之餘又Juicy !!!
十分有水準~
甜品：
❤ 意大利奶凍 ~ 跟SET 的是日甜品, 雲尼拿味, 岩哂不喜歡甜的人
❤ 焦糖燉蛋配焦糖雪糖 ~ 味道不錯, 沒有太大的特別
這餐廳十分有水準, 味道非常好味!!!
值得推介同埋再ENCORE 啊~~
今日分享了7間餐廳, 希望你地會喜歡啦''*
亦多謝朋友們的生日祝福~~
♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥
歡迎大家跟我聯絡喔~
Email: winniecard@yahoo.com.hk
Yblog．theZtyle．BL．FnB．she.com．ELLE．Sina．Ubeauty．Qooza．Blogspot．BlogDB
Kami 嘉美 の 貪靚鬼愛分享
Promote Your Page Too
沒有留言:
張貼留言