很久都沒有去澳門啦~~~
今次搵左個 Weekend 同朋友仔快閃去澳門氹仔玩半日!!!
今次豪豪地坐金光飛航既頭等艙~~~
頭等艙日航 HK$287, 比標準艙貴一百蚊左右, 但係坐位就較寬闊及舒適!!!!
假日班次都幾密下, 每隔半個鐘已經有一班船來往香港至澳門氹仔"*
坐頭等艙既好處就係有汽水飲品任飲；
同埋一個金光飛航餐盒, 都有成 5樣野食架, 都算不錯!!!
一到步就黎到 8月22日開幕既【永利皇宮】
金光閃閃既酒店, 出面仲有表演湖及觀光纜車"*
觀光纜車左右兩邊係金色的飛龍, 帶你飽覽表演湖的璀璨景色；
之後會降落於花園之中, 全程可以欣賞埋定時表演既噴泉~~
而表演湖每日中午12時至晚上7時, 每30分鐘一次；
每日晚上7時至午夜12時, 每20分鐘一次音樂噴泉表演, 夜晚睇仲更加靚添!!
以花卉做主題既永利皇宮, 運用花朵既色彩, 姿態及質感創作了幾個大型花卉雕塑"*
分別有以超過 102,000朵花卉造成, 高達 21呎的巨型【摩天輪】
另一個就係大型綱鐵雕塑【鬱金香】；
由杰夫‧昆斯創作, 以汽球設計為概念, 懷念歡樂的童年生活!!!
這個極為夢幻既【旋轉木馬】用了超過 83,000朵花卉打造；
色彩燦爛繽紛, 木馬係中間旋轉著, 真係仿似去左童話的國度!!!
另外你地有冇見到其中一隻木馬就好似希臘神話中出現既飛馬呢??
提提大家係永利皇宮行去金沙城, 新濠天地, 威尼斯人約 15分鐘腳程, 其實都幾近架"*
而係關閘, 蓮花口岸, 澳門及氹仔港澳碼頭, 氹仔舊城區及永利澳門都有免費接駁巴士黎到；
真係好方便架~~~
永利皇宮 WYNN PALACE
地址：澳門路氹體育館大馬路
網頁：
http://www.wynnpalace.com/
係永利皇宮搭免費接駁巴士落到黎氹仔舊城區~~
最出名當然係官也街!!!!
不過近幾年官也街都已經成為手信街, 仲有幾間食左好多次既餐廳；
加上物價上漲, 有好多野都已經唔抵食, 如果你未去過澳門既都可以去行一行!!!
如果黎過幾次既就唔建議啦"*
黎到氹仔舊城區, 每次必黎呢間【新好利咖啡餅店】
必點既梗係葡撻到豬扒包啦!!!
今次只係外賣左葡撻同埋燕窩撻, 全部都係熱辣辣；
葡撻蛋味濃郁, 酥皮香口, 食個時真係要小心辣到口啊~~
新好利咖啡餅店
地址：氹仔地堡街13-14號
營業時間：7:30am - 6:30pm
宜家澳門都開始國際化, 有好多唔同菜式, 時興甜品引入"*
好似呢間黎自日本北海道既【斯樂芙 Snaffle’s】主打精緻既 Catchcakes 及 Nama Chocolate~
而今次我地既目的就係呢杯北海道牛乳頂級軟雪糕~~~
北海道 5.4 牛乳雪糕味道特別濃滑, 甜而不膩!!!
不過佢好快溶, 所以影相呃 like 就要快手, 加上天氣咁熱, 仲會加溶既速度"*
一杯只係 MOP38, 而且份量好足又多大杯, 真係抵食!!
SNAFFLE'S
地址：氹仔水鴨街15號喜來登廣場地下 C座
營業時間：10am - 10pm
之後就由官也街慢行去布拉格街, 就係為左去呢間【KAFKA 卡夫卡】
間野個地點都幾難搵下, 因為個招牌太細, 如果剛好有架車泊正係前面係竟發現唔到間野!!!
正正我地就係咁樣, 搵左好耐先見到, 所以真係去既會建議搭的士吧啦~~~
卡夫卡係澳門首間法式甜品店, 主打法式甜點, 另外仲有意粉及 Honey Toast 供應；
內裡裝潢簡約舒適, 適合慢活一族"*
法式甜點款式每天也不同, 而且好快就賣光光；
當天旁晚去到只剩下數款可選擇, 但係見到甜點賣相十分精緻!!!
跟友人們一人一件, 價錢由 MOP38 至 MOP42 不等, 法式蛋糕黎都算平喎~~
分別有：覆盆子圓舞曲‧開羅時光‧勃根地滋味‧克林姆
而我就揀左克林姆 Der Kuss 配熱情果薄荷檸檬汁"*
蛋糕由咖啡, 焦糖, 朱古力及榛子而成, 味道雖然偏甜但配搭得十分匹配!!!
喜歡吃甜的一定要點這個~~~
另外仲點左個布丁燒 (MOP25)
面頭係香濃既焦糖, 中間係幼滑既雞蛋布丁, 底層係輕乳酪蛋糕~~
但三者夾埋一齊食口感不太好, 可以不試呢!!!
順帶一提, 當天去到時店員的服務態度真係麻麻地；
竟然可以個 MENU 就咁掉到台上"*
真係令人想掉頭走的衝動~~~
卡夫卡 KAFKA Sweets and Gourma
地址：氹仔布拉格街 152號
營業時間：星期二至日 1:30pm - 10pm
食完甜點, 吃貨們再去另一餐廳進發!!!!
就係揀左係地堡街好多人都會去排隊食既【波爾圖葡國餐】
當天去到好好彩等左一陣就有台~~
波爾圖葡國餐
地址：氹仔地堡街 279號
營業時間：11am - 10:30pm
分別點左：
田園沙律配意大利黑醋汁 (MOP48)‧葡式白酒燴蜆 (MOP93)
脆炸芝士馬介休球 (MOP42)‧葡式乳豬釀飯 (MOP168)
想不到個沙律份量幾大, 酸酸地十分開胃；
葡式白酒燴蜆味道相當好,連個湯底都好好味, 蜆肉又夠鮮甜!!!
馬介休球亦是必點之選~~
而葡式乳豬釀飯係我每次黎都食既"*
乳豬皮超脆卜卜, 肉質又嫩滑, 連個飯都有陣乳豬香~~
最後就係買手信時間~~
官也街入面既【晃記餅家】都係每次黎都買既!!!
佢地最出名既係肉切酥, 係下午個時已經賣哂啦~~
而我平時買開既雞蛋餅都已經賣哂, 只可以買雞仔餅受埋話梅返去啦"*
真係好多人排隊買架, 想買齊想要既真係要早D 去啦!!!
晃記餅家
地址： 澳門氹仔官也街 14號
營業時間：8:30am - 9pm
最後就搭船返香港啦~~~
快閃 6小時氹仔遊, 雖然好累但係食左兩間冇食過既甜品；
又有好食既葡國菜作結尾, 又可以同好友們玩下癲下, 認真開心!!
♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥
歡迎大家跟我聯絡喔~
Email: winniecard@yahoo.com.hk
BeautyExchange．BeautyLife．BlogDB．Blogspot．ELLE．FanPiece．iTrial．Miniwise．
MyCossip．Qooza．QoozaBeauty．she.com．Sina．Style-Tips．theZtyle．UBlog．
WeShare
Kami 嘉美 の 貪靚鬼愛分享
Pomote Your Page Too
