對抗三大膚色障礙有辦法 ❤ Biotherm 全新水瀅光感美白精華

過左個寒冷既新年, 又好快踏入春夏既季節!!!
美白行動又要再升級啦~~~

美白產品除了撃退色斑, 就忽略左肌膚其他問題'*
BIOTHERM  全新推出了一 瓶針對多種能夠對抗大美白障礙的產品~

水瀅光感美白精華
White D-TOX Liquid Light Essence
30ML / HK$550



全新升級配方結合【淡黑, 去黃, 退紅】三大功效''*
更配合保濕成分 Aquatoril^TM, 令肌膚即時水瀅亮澤,  散發粉嫩光彩!!



成份包括:
亮白活性成分 ACTYL C + 深海能量因子 VENUCEANE , 向日葵籽萃取物 , 溫泉有機活性因子PTP
創新研發的【水晶光打亮科技】結合亮澤嫩肌成分: 珠貝母及保濕複合物~

藍色樽身, 產品於法國製造,
更是常用的是滴管式設計~

淡粉紅色的乳液狀, 每次只需要用上一至兩泵的份量就足夠''*
質感水潤清爽, 絕不黏笠, 延伸性很高, 容易推開且可以看到很有光澤感!!
而且帶有花香味道''*

使用後肌膚變得有光澤, 清爽得來保濕度又不錯!!!
雖然亮白的情況未見得到成效, 但肌膚變得柔滑亮澤''*

♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: winniecard@yahoo.com.hk

Yblog．theZtyle．BL．FnB．she.com．ELLE．Sina．Ubeauty．Qooza．Blogspot．BlogDB

用30秒擁有好氣息 ❤ Olay Total Effects 多元修護粉嫩氣色乳

是夜鬼的我, 經常好夜先睡覺!!!
往往每天早上一定非常匆匆忙忙的梳洗....
有時連化妝的時間都沒有就要出門口趕巴士啦~~
宜家我搵到早上可以幫我慳時間護膚&化妝的【好幫手】啦''*

OLAY Total Effects 多元修護粉嫩氣色乳

全新推出的【保養級BB霜】只需30秒就可打造全日粉嫩的好氣息''*
而且它只需用一般的洗臉程序就可以清潔乾淨!!!
化妝的同時又可護膚, 節省不少時間~

同時結合OLAY Total Effects 的7大修護成份''*
可以撃退以下七大歲月問題:
❤ 細紋及皺紋
❤ 肌膚缺乏彈性
❤ 膚色不均
❤ 膚色黯淡
❤ 毛孔粗大
❤ 色斑及年齡斑
❤ 肌膚乾燥

集多種功能於一瓶, 加入了Max-Factor 粉底精華成份~
更融合護膚成份 (多種維他命 "維他命B3, 維他命B5, 維他命C 衍生物" 與植物提取精華)
仲有SPF15 的防曬配方, 阻隔紫色線UVB, 更加呵護肌膚''*

採用按壓式真空罐裝, 可以減少與空氣接觸, 方便又衛生~
BB霜呈自然肉色, 跟我的膚色都很接近!!!

只需要由內而外輕輕推勻便可, 短短30秒就已經完成!!!
BB霜質地滋潤, 不算厚身又易推, 跟塗護膚品沒太大的分別啊~

塗後肌膚變得有均勻又有光澤, 護膚同時擁有透薄底妝~
唔會有黏笠的感覺, 只要遮瑕度較差而已''*
SPF15 的防曬功效亦足夠於室內工作的OL 們喔!!!

而我媽媽是十分喜歡OLAY 的產品''*
這支OLAY Total Effects 多元修護粉嫩氣色乳亦得到她的寵愛喔~~

散發春日。更出色的繽紛唇色 ❤ Clinique 全新滋潤出色唇膏筆

新年就快來臨啦, 梗係要扮靚靚去拜年啦!!!
要吸引人地既注目既妝容, 梗係唔可以少得出色既唇色啦~

CLINIQUE No.1 皇牌唇妝產品【滋潤亮彩唇膏筆】
自推出以來已經創下全球每15秒售出一支既驚人紀錄!!
今年春天, 推出色彩更豐富濃郁的全新唇膏筆~

Chubby Stick Intense Moisturizing Lip Colour Balm
滋潤出色唇膏筆  (共8色)  HK$150

❤ Curviest Caramel
❤ Chunkiest Chili
❤ Heftiest Hibiscus
❤ Mightiest Maraschino
❤ Plushest Punch
❤ Roomiest Rose
❤ Broadest Berry
❤ Grandest Grape

Chubby Stick 8款新色隻隻都好吸引~
岩哂新年及情人節出街配襯唔同既妝容啦!!!

滋潤出色唇膏筆同樣以玩味十足的蠟筆外形''*
全新的濃艷色調, 由自然優雅, 亮彩鮮明至性感冷豔的妝效都齊備!!

全新的Chubby Stick Intense 全新升級:
❤ 具有如潤唇膏的高效補濕滋潤效果
❤ 糅合乳木果, 芒果籽油, 荷荷巴籽油及抗拿化物, 有效減淡唇紋及脫皮
❤ 具有如唇膏復的濃郁色澤, 能突出唇部性感線條

Chubby Stick Intense 比 Chubby Stick 更加濃郁持久''*
全新調色配方更兼備潤唇膏及唇膏兩者既優點!!!

我有幸得到3支全新的滋潤出色唇膏筆''*
顏色是 Mightiest Maraschino, Heftiest Hibiscus, Grandest Grape

Chubby Stick Intense 用法非常簡單, 唔好以為它是蠟筆需要用筆刨喔!!!
其實佢係自動設計, 只要係底部轉動就可以轉出唇芯出來~
既方便又唔會弄污雙手架''*

#03 Mightiest Maraschino 嫣紅色

這隻嫣紅色非常有新年FEEL 啊~
唇筆質感細滑, 輕輕一畫就已經好出色啦!!!
而且畫係手上都望到好有光澤''*

塗上唇的過程很方便又易畫, 真係好似用緊蠟筆填色咁!!!
係無搽潤唇膏的情況下, 雙唇仍然滋潤唔會乾''*

嫣紅色真係好岩新年去拜年時用上呢~~

#08 Grandest Grape 紫紅色

紫紅色望落以為會好深色''*
原來都係偏紅多D, 冷艷感十足啊!!!

塗上唇明顯係深紅色系, 很型格的唇色''*
能夠配襯高貴的服飾及妝容就岩哂~

#03 Heftiest Hibiscus 橘橙色

橙紅色當然係我既心水顏色啦~
佢橙得來帶點微紅, 情人節用佢就GOOD FIT 啦''*

橙紅色可以令整個樣精神返哂''*
比人覺得好可愛, 甜蜜的感覺, 鮮色得黎又唔誇張~
情人節搽上就岩嚕!!!

其實仲可以MIX AND MATCH 多種色調, 打高更有創意既唇色配搭!!!
可能會配出新感覺出黎架~''*

全新的滋潤出色唇膏筆的8種新色十分鮮艷奪目!!!
有冇一種顏色岩你心水, 適合新年用呢?!

無瑕透薄底妝。再度升級 ❤ shu uemura 植村秀

無瑕底妝已經成為現今女性揀選底妝產品的必要條件!!!
而早前我已經用緊 shu uemura 的妝前泡沫底霜 SPF30 PA+++ 效果不錯~

這款最受歡迎的妝前底霜今日全新推出升級版啦''*

配合shu uemura 其他的遮瑕及粉餅產品使用~
打造出無瑕柔光零毛孔的完美底妝!!!

【革新版】妝前泡沫底霜 SPF35 PA+++

全新革新版妝前泡沫底霜再度突破, 再升級!!!

❤ 增強水感保濕配方, 膚感水盈又不乾燥
❤ 防曬由原本SPF30 PA+++ 增至 SPF35 PA+++, 強效 UVA / UVB 防護
❤ 全新柔焦細緻科技, 令肌膚具有攝影般的柔光效果, 令毛孔自然隱形
❤ 嶄新花蕾複合物及葡萄酸鋅水因子, 有效吸走過剩油脂及控制油光

革新版妝前泡沫底霜共兩色: 杏色 及 粉紅
配襯自然健康膚色及白皙膚色, 塑造零毛孔, 半啞緻的妝容~

另外泡沫底霜是唧唧裝, 用前是需要搖勻的喔''*



革新版的泡沫較舊版細密輕盈!!
配合shu uemura 五角形海綿, 可以塗抹到臉上的微細之處!!
仲能夠均勻塗抹整塊臉, 而且海綿巴柔軟又不易變形~

輕輕的塗上一層, 微細的瑕疵都可以遮到少少''*
泡沫底霜十分輕盈透薄, 臉上完全沒有重量的妝容負擔, 仿似無化妝一樣!!
一層已經覆蓋了大部份毛孔, 做到零毛孔的效果~
而且塗後很清爽不黏笠, 加上它有SPF35 PA+++ 的防曬成份, 令普通外出上街都冇問題啊''*

專業遮瑕筆



完美既妝容當然都要以遮瑕筆重點修飾黑眼圈, 暗瘡及色斑~
shu uemura 專業遮瑕筆以旋轉調節的設計, 更能夠準確控制出使用份量!!

我使用的是7YR-M 顏色, 較為偏黃及健康的色調''*
它可以用手指印開或直接塗上所需的位置~

shu uemura 遮瑕筆含有維他命E, 有抗氧化的作用''*
它的質感水潤且容易推開; 遮瑕度高, 不會出現因太乾而出現的乾紋!!!

有時黑眼圈較深色的話, 可以多塗一層來遮蓋, 都唔怕會乾啊~
塗於暗瘡, 色斑, 黑眼圈位置都冇問題!!!

多效貼膚柔光粉餅

它結合全新·【藍光淨透科技】提昇肌膚剔透度~
更注入保濕抗氧化護膚精華包括深海活泉酵素, 紅石榴, 維他命E等, 使肌膚更柔滑細緻!!

粉餅及粉盒是分開的, 可以自行更換的喔~

一共有7種色, 而我用的是#754 自然色~
粉盒內附有粉樸, 粉餅上亦印有shu uemura 的字樣!!

它可以用作粉底, 定妝或者補妝之用~
而我就喜歡利用它來定妝啦!!!



用它來定妝唔覺得乾, 仲好貼服啊~
就連宜家天氣凍既時候用都唔覺得乾喔!!!
令整個妝容又貼薄自然~~

用上這三款底妝產品, 可以造出無瑕柔光''*
一整天都可以維持完美妝容, 冇出現油光既情況添~
仲唔駛成日補妝呢!!!!

妝前泡沫底霜SPF35 PA+++ 已經成為我最近的新寵兒啦 ❤❤❤

♥♥ 冰天雪地韓國遊 ♥♥ の 飲食篇

之前同大家講左我個五天韓國旅行既酒店~
文章回顧: ♥♥ 冰天雪地韓國遊 ♥♥ の 酒店篇

今次就到個五天既飲食啦!!!
大家都知係韓國食野, 通常都係燒烤, 火鍋等等熱氣既食物~
仲有餐餐都有泡菜同埋辣野架啦~~~

第一天

落機後兌好哂錢, 拎好哂D衫出黎之後就去左食野嚕''*
一早6點幾, 都冇咩特別野食!!!
就求其搵左間【Paris Croissant Kitchen】食三文治同麵包黎醫醫肚先~



佢個牛角包好好味架, 好香口, 仲熱熱地架添!!
唔錯架, 不過就比較貴少少~

午餐: 薯仔豬骨煲



效外地方既白米飯好香好軟身, 令人想食多幾碗啊~!!!
豬骨令到煲內既薯仔入哂味, 都算唔錯既~

晚餐: 餃子煲

餃子係豬肉餡來的, 味道都OK啦!!!
煲內仲有菜, 粉絲及紅蘿蔔絲, 可以話係最清最健康既一餐啊~~

而且唔夠食都仲可以加餃子及粉絲架''*
總之食食到飽為止喔~~~

宵夜: 炭爐燒海鮮餐 + 鱒魚湯

哩個係自費架, 大約每人三百幾蚊港紙左右~
都算抵食WOR~~

香港好少見既炭爐燒烤, 真係好有風味啊~!!!
仲有韓國人好鐘意飲既燒酒 JINRO 真露''*

海鮮出場啦, 有蝦, 扇貝, 大蜆等等...
全部都好新鮮啊~可惜冇新鮮八爪魚鬍食..><''

仲有仲有...生蠔, 鮑魚刺生, 魷魚刺生啊~
韓國既生蠔係較CREAMY 既, 我同肥仔就最鐘意架啦!!!
而鮑魚刺生就好爽口, 魷魚刺生加埋韓式海鮮醬一齊食就另有一番風味~~

這個真係未必係香港食得到既左口魚刺生''*
左口魚刺生非常鮮甜, 又爽口~~
真係好正, 令人食唔停口啊!!!!

最後就有鱒魚湯, 冬天係韓國平昌係鱒魚盛產既季節~!!!
所以我地都好有口福可以食到啊~~
鱒魚既肉質好彈牙, 個湯仲好鮮甜添, 正啊''*

真係食到好滿足啊~~

第二天

早餐: 太陽郵輪度假酒店餐廳

酒店裡的西式早餐, 竟然早上係食薯條''*
味道一般同埋係凍的啊~~~~

午餐: 地道韓式涮涮鍋 + 石頭飯

豚肉涮涮鍋係無味既, 真係要點醬汁食先OK''*
石頭飯都唔算, 加入韓式海鮮醬一齊撈, 少少辣幾好味!!!

晚餐: 韓燒秘製醬汁Bugogi + 自費燒韓牛 & 生牛肉

自費既韓牛真係超正, 難怪係韓國食牛要咁貴啊!!!
仲有韓國正宗生牛肉配雪梨條, 真係一流啊~
連埋D雪梨一齊食幾甜架''*

第三天

早餐: 滑雪渡假村餐廳
自助形式, D 野食係凍冰冰既, 所以冇影相~

午餐: 滑雪場
係入面自費食D 小食之類既野~

晚餐: 人蔘雞湯 + 滋補人蔘酒 + 長壽麵 

人蔘雞已經食過好多次嚕!!
不過我不太喜歡, 但係佢地D 長壽麵幾好味~~

第四天

早餐: 市內既餐廳
自助形式, 味道一般

午餐: 炭燒正宗韓豚 + 自費韓牛

又係以炭爐燒, 仲有個抽煙筒架, 真係好地道!!
醃好左既韓國豚肉, 味道幾好, 不過係咁食肉就好快飽啦~
我地另外又左買韓牛, 真係超好味~~

晚餐: 自費 (導遊帶去食韓國豚肉濕燒)



一大盤既豚肉鍋, 真係睇見到滯滯地!!!
食得太多餐豚肉啦, 雖然味道唔差, 入面仲有粉絲TIM~

第五天

早餐: 市內既餐廳
自助形式, 味道一般

午餐: 清湯滑雞煲 + 黏韌刀切麵
刀切麵味道一般, 清湯滑雞煲個湯好清好好味!!
不過唔記得左影相~~

仲有每一日我都會買哩隻香蕉奶黎飲架!!!
因為真係好好味架~~

就係咁, 五日入面不停食食食飲飲飲~
食完就訓, 玩完又食咁, 非常之開心又滿足喔''*


♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: winniecard@yahoo.com.hk

Yblog．theZtyle．BL．FnB．she.com．ELLE．Sina．Ubeauty．Qooza．Blogspot．BlogDB