消暑開胃。簡易自製小食 ❤ 桂花糖漬小蕃茄

夏天好鐘意食凍食既小食, 涼拌青瓜, 醉雞翼等....
最新睇【鬼嫁料理手帳】個BLOG 見到佢整左一款好吸引既小食!!!!

就係桂花糖漬小蕃茄~~
朋友整過都話好易整, 宜家我就自己整左一樽黎食啦''*

材料：
小蕃茄 (今次我用左車厘茄)

醃漬材料：
桂花糖 25g (可買現成或自製)
味醂 12.5ml (可用白糖或黃糖代替)
檸檬汁 12.5ml

PS：我係跟鬼嫁料理手帳既食譜整架!!!
食譜：http://oniyomeryori.blogspot.hk/2014/06/green-monday_23.html

首先將車厘茄洗乾淨及吸乾水~
再切開一半!!

之後就去整桂花糖啦~~
用料：半碗水, 半塊片糖, 乾桂花 2g

先將片糖加水煮溶, 之後落桂花 (鐘意可以落多D)
中火煮至糖硬身便成啦!!!

待桂花糖攤凍少少就可以倒落玻璃瓶內, 加埋檸檬汁及味黃糖攪勻''*
最後放埋車厘茄攪一攪~~

蓋好瓶蓋再將佢上下搖勻~~
之後就可以放入雪櫃雪凍, 約 8小時後就可以食架啦!!!

製作過程十分簡單, 第一次整味道都不錯~
不過可能落多左檸檬汁, 同埋車厘茄帶點酸, 所以覺得唔夠甜''*
大家整既時間可以先試下 D 蕃茄仔酸定甜先按自己既喜好調較甜度!!!


♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: winniecard@yahoo.com.hk

BeautyExchange．BeautyLife．Blogspot．ELLE．FanPiece．FnB．iTrial．MyCossip．
Qooza．QoozaBeauty．she.com．Sina．theZtyle．UBlog．WeShare

Kami 嘉美 の 貪靚鬼愛分享

Promote Your Page Too         

❤❤❤ Origins 全新。實驗室專櫃 ❤❤❤

大家行開銅鑼灣 SOGO 既都知佢地 B1 層已經裝修完成''*
變成全新的 B1樓層美麗尊區, 當中有新進駐的品牌~

其中一個品牌就是 Origins 啦!!!
以全新形象專櫃出現於銅鑼灣 SOGO 內, 強調感官享受和愉悅體驗~~
同時進一步突顯了品牌特質, 讓大家專櫃內重新探索與發現 Origins 高效天然護膚理念''*

店內設有設計獨特的潔手盆, 配以一組復古椅凳；
顧客可以在這裡輕鬆試用產品並且享受輕鬆愉悅的皮膚護理諮詢!!!

他們將專櫃活活變成一個科學家的實驗室!!!
擺放產品的架都以跟實驗室內的一模一樣, 仿似真的於 Origins 專屬的實驗室內''*
 

當然不少得科學實驗用具及儀器, 給大家展示出Origins 獨一無二的植物成分!!!
感覺就像在向顧客講述著 Origins的故事 , 以【天然為本, 科學為證】

專櫃更陳列著 Origins 與 Dr. Andrew Weil 韋醫生合作推出的靈芝菇菌抗逆健膚系列''*
有效迅速鎮靜敏感泛紅肌膚, 激活細胞並強化膚質, 提升光澤及緊緻度~

另外仲有一個 Corner 擺放了 Origins 十分暢銷產品''*
唔知大家估唔估到有邊十款產品呢??? 又會唔會係你地用開架呢???

我仲發現這裡有個回收箱!!!
可以將 Origins 產品的吉樽拎去 Recycle, 非常環保呢~~
等我都拎去回收, 保護下環境''*


Origins Hong Kong
http://www.origins.hk/
https://www.facebook.com/OriginsHK

Origins SOGO 專櫃
地址：銅鑼灣祟光百貨 B103

♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: winniecard@yahoo.com.hk

BeautyExchange．BeautyLife．Blogspot．ELLE．FanPiece．FnB．iTrial．MyCossip．
Qooza．QoozaBeauty．she.com．Sina．theZtyle．UBlog．WeShare

Kami 嘉美 の 貪靚鬼愛分享

Promote Your Page Too         

南加州風情的特色 ❤ LUCQUES tavern

講到食, 我就最鐘意最興奮架啦!!!
今次就同朋友仔來點特別既菜式：南加洲菜

就是位於尖沙咀海運大廈 3樓的 LUCQUES tavern
餐廳以一種名貴的綠色橄欖命名, 為大家帶來新鮮, 健康及美味的食物為宗旨!!!

餐廳的門口較為隱蔽, 餐廳地方寬敞~
圍住的大部份都設有 Sofa 位置及卡位, 另外仲有吧檯位!!!

有得吧檯位, 這裡當然有含酒精的飲品~
Cocktails, 啤酒, 汽水都備有!!!

我就揀左杯五顏六色既 Signature Cocktails, 名為 "Sunshine"
飲品上見到有橙色, 黃色, 綠色同藍色, 真係好似陽光照射下來的色彩!!!
味道係以芒果及橙味較重, 當中帶點 Vodka 酒味, 飲落唔像果汁, 好岩夏天飲用~~

大家仲有冇留意到 D 冰粒係藍色架''*
設計得好有心思呢~

首先會來麵包籃配新鮮牛油~~
麵包都是它們自家製的, 又香又鬆軟, 有三款選擇!!!
當中的招牌鬆餅絕對係必食之選, 入面仲有一個粒粒既南瓜籽, 咬落口感好豐富''*

❤ 燒烤拼盤
拼盤包括洋蔥圈, 特色雞槌及焗薯皮, 就多重不同的炸物口感!!!
洋蔥圈切成幼絲狀, 外層炸得香脆又不油膩；
雞槌得一支骨位, 方便拎起一咬就啖啖肉, 雞肉很嫩皮很, 配上Trappy醬味道辣辣地, 好惹味；
焗薯皮混合左香濃的車打芝士和高達芝士烤焗, 加上香蔥和煙肉粒, 很有口感~~~

炸物既香口又不太油膩, 一大班人傾計作小食真的很不錯''*

❤ 華爾道夫雞肉沙律
這款沙律由火箭菜, 紅洋蔥, 車厘茄, 紅蘋果, 青蘋果, Feta 芝士及腰果仁添合邢成!!!
再配上由拌上由雪莉醋及青檸汁等秘製醬而成的醬醋汁；
份量十足, 爽口的蘋果條配新鮮的火箭菜, 非常清新開胃, 健康之選呢''*

❤ 香甜啤梨配幼嫩菠菜
用上鮮嫩的新鮮菠菜, 香甜啤梨, Feta 芝士, 惹味的煙肉粒及焦糖核桃；
配合由黑醋, 紅酒醋及其他配料泡製而成的自家製醬汁!!
估唔到啤梨同菠菜原來係咁夾, 清爽同清甜夾埋既口感, 屬於微甜的清新沙律~~

❤ 烤美國豬排骨
豬排骨以低溫慢烤, 加上以濃郁的 BBQ 醬, 肉質嫩滑又不肥膩；
濃味的醬汁十分夾配, 由於排骨位冇乜肉所以少吃多滋味吧!
另外跟碟有椰菜絲沙律及薯角, 點BBQ 醬食都好美味~~

❤ 炆燉牛仔骨
以多款配料, 蔬菜及紅酒把牛仔骨炆至軟腍；
配上秘製醬汁及以甜薯蓉擺係牛仔骨底, 入口軟腍鬆化又不膩!!
即溶的口感, 味道很讚~~

❤ 蟹肉龍蝦芝士通粉
通心粉配濃郁的芝士香味, 仲溶入左龍蝦的味道於通粉中；
龍蝦蟹肉好新鮮及爽口, 香濃的芝士味道又不會太漏, 美味又飽肚!!!
超喜歡的說~~~

❤ 鮮蝦帶子南瓜意大利飯
用南瓜蓉及加入鮮蝦, 帶子, 蒜茸, Pecorino 芝士的意大利飯~
配料好足, 充滿住南瓜味的飯粒, 每粒飯煙煙韌韌, 非常有口感''*

另外 LUCQUES tavern 仲誠意推出左【南加州特式下午茶】迎接夏日''*
下午茶包括現在人氣的蜜糖吐司, 迷你燻咸牛肉三文治, 迷你田園煙燻豬肉三文治,
迷你龍蝦蟹肉鮮蝦三文治及 LUCQUES Tavern 特式鬆餅!!!

份量可供 2位成人及 1位小童享用, 夏日優惠價 HK$198~
蜜糖土司入面仲有雙重朱古力碎, 雲呢拿及栗子味雪糕, 馬卡龍, 棉花糖, 士多啤梨及藍莓；
小朋友見到一定非常高興!!!!

供應日期由 7月21日至 8月31日, 逢星期一至星期五 3點到 6點''*
每個套餐更送出設計得意, 配合充滿夏日活力感覺的足球遊戲, 可以比小朋友一邊食一邊玩!!

另外, 係 LUCQUES Tavern Facebook 專頁按讚 “Like” 及
轉貼他們【南加州特式下午茶】的貼文, 即獲得一個精美禮包!!!
包括 LUCQUES Tavern 環保購物袋, Dan Ryan’s 25 周年紀念棒球帽及毛巾''* (送完即上)

第一次試南加洲菜, 意想不到有特別的驚喜!!!
而且仲有人氣既蜜糖吐司, 下次要約埋朋友再黎食過''*


LUCQUES tavern
地址：尖沙咀廣東道17號海港城海運大廈3樓OT315號舖
電話：2735 6111

♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: winniecard@yahoo.com.hk

BeautyExchange．BeautyLife．Blogspot．ELLE．FanPiece．FnB．iTrial．MyCossip．
Qooza．QoozaBeauty．she.com．Sina．theZtyle．UBlog．WeShare

Kami 嘉美 の 貪靚鬼愛分享

Promote Your Page Too        

對抗電子屏幕光污染。拯救眼部肌膚 ❤ Estée Lauder 全新眼部修護組合

唔知大家一日有幾多時間係對住電腦同手機架呢???
我就應該除了訓覺既時候, 大部份時間都係對住這些電子屏幕~~~
 
其實電子屏幕光污染加上環境, 歲月的侵害會令眼部 DNA 損傷日積月累；
容易誘發黑眼圈, 眼袋, 細紋, 皺紋, 眼角下垂等問題!!!

我地經常用既智能電話, 平板電腦已經成為加速雙眼老化新元兇!!!!

有見及此 Estée Lauder 推出全新的眼部修護組合''*
能夠有效隔絕電子屏幕光污染, 極速啟動眼部肌膚 DNA 的修復力；
一次過擊退眼部肌膚問題, 回復年輕亮眼~~

全新 Advanced Night Repair 眼部基因修護組合包括：
❤ 升級眼底導入基因修護精華露
❤ 升級再生基因修護眼霜

早前來到 Estée Lauder的新品發佈會~
首先跟我來個測驗, 係有關我地使用電子用品及眼部護理既習慣!!!
從而推測出我地對電子屏幕光污染的嚴重程度, 可幸的是我還未算到很嚴重的地步''*

老師更教授我地 10個對眼睛護理既好方法：
每晚11點前睡覺 (這個對我來說真的沒可能的事), 使用電子屏幕20分鐘就要休息30秒~
使用電子屏幕時需要距離 40cm 等等.....

唔知大家做唔做到呢???
當然一定要配合 Advanced Night Repair 眼部基因修護組合就會事半功倍啦!!!

同時老師更教我們護眼的按摩手法~
每天臨睡前按摩數分鐘就有效加強眼周的血液循環同舒緩疲勞!!!
另外用熱毛巾敷眼約30分鐘, 再以凍毛巾敷1分鐘, 同樣可以舒緩疲勞及急救浮腫雙眼''*

貼心的 Estée Lauder 仲幫我地既手機加上抗藍光保護貼''*
好好地照顧我們的雙眼, 隔絕電子屏幕光污染!!!

全新 Advanced Night Repair 眼部修護組合將 No.1 銷量的修護精華再進一步提升：
❤ 晚間修護力量發揮極致
❤ 大幅減低電子屏幕光害
❤ 中和游離基
❤ 源源保濕
❤ 立即賦活紓緩眼肌

這組合更特別注入獨家的基因排毒淨化協調技術~
為眼肌 DNA 層排毒淨化, 徹低清除因長時間電子屏幕光害而受損的細胞及毒素；
從而阻隔電子屏幕光害所帶來的惡性循環傷害''*

Advanced Night Repair 升級再生基因修護眼霜(15ml / HK$580)
100%防禦臭氧侵害, 即時改善眼周肌膚回復柔潤, 透亮；
臭氧損傷絕跡, 令浮腫, 黑眼圈, 細紋大幅減淡''*


























呈淡粉色的乳霜狀質地, 質感水潤輕盈~
容易推開, 完全不油不膩, 而且唔會令眼周生油粒的問題出現!!!

於眼肚位置於精華印開, 再加以按摩''*
浮腫眼累的感覺得以舒緩一下, 而且帶點緊緻感!!

Advanced Night Repair Eye 升級再生基因修護眼霜 (15ml / HK$500)
能夠修復引致脆弱眼部的侵害, 有強效基因排毒淨化協調技術及全天候對抗污染科技；
抗疲倦紓緩因子, 做到日間全面預防及夜間修護的作用''*

呈淡茶色的啫喱狀質地, 質感如絲柔滑~
塗上時感覺涼浸浸, 保濕度十足, 而且很易推!!!

輕輕於眼肚於按壓一下, 好快被眼周肌膚吸收；
水嫩的感覺很舒緩清爽, 修護既同時又有提神的功效~
幫助對抗電子屏幕光污染''*

大家每天都對住電子屏幕, 一定要做好防預準備!!!
一次過擊退眼部肌膚所有問題, 包括黑眼圈, 膚色不均, 細紋, 乾燥及浮腫等''*


ESTEE LAUDER HONG KONG
https://www.facebook.com/esteelauderhk 

♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: winniecard@yahoo.com.hk

BeautyExchange．BeautyLife．Blogspot．ELLE．FanPiece．FnB．iTrial．MyCossip．
Qooza．QoozaBeauty．she.com．Sina．theZtyle．UBlog．WeShare

Kami 嘉美 の 貪靚鬼愛分享

Promote Your Page Too        

❤❤❤ 7月生日。開心事 ❤❤❤

7月份絕對我最期待既日子, 原因就係我生日月''*
跟好友們慶祝, 又可以有藉口比自己買生日禮物比自己, 十分開心!!!

公司的大佬請食生日飯, 去左上環既尚善 Dinner ''*
D 刺身好新鮮, 仲有快滿瀉既馬糞海膽 (個人都係較喜歡食加拿大的海膽)

同月既另一天, 老大又請我食泰菜, 來到銅鑼灣 Cubus 既 Mango Tree''*
生蝦係即叫即食的, 個胡椒大蝦好正；
反而馬沙文咖喱煮羊膝不是我們的口味, 味道太甜, 羊膝就很不錯, 唔會太羶!!!

甜品梗係要芒果糯米飯啦~~
暖暖既糯米飯加埋香甜芒果, 絕配''*

我最親愛的好朋友為我準備左個好驚喜的生日派對!!!!
一見到好驚喜又好感動, 知道大家為個派對落手落腳落大餐, 佈置, 連我既衣服都準備好~~
真係太開心了, 只想說 I Love You Girls''*

大餐有我喜歡既生蠔, 海膽, 巴馬火腿, 迷你 Pizza, 菠蘿腸仔等等....
總之非常豐富既晚餐同埋食品~~~
可見落足心機喔!!!

仲訂製左 Winnie The Pooh 蛋糕!!!
好睇又好食, 不過我就唔捨得切開佢啦~~~
咁多條女齊齊 KO 個蛋糕, 入面係士多啤梨忌廉餡, 最後係食剩個頭既....XDD

BTW, 當天好開心, 知道大家咁錫我, 實在感動''*
她們就是我一班閨蜜朋友啦~

這一班亦都係我閨蜜好友, 仲係我既雀友''*
差唔多個個星期都要出黎打牌先開心, 應該唔會有我地咁爛賭架啦~~
個 Leonidas 既 Tiramisu 蛋糕好好味丫!!!

 

兩個巨蟹女去食博勝殿慶生''*
D 炸物真係堅好食, 仲要生菜絲係可以 REFILL 架!!!!
哩個巨蟹女雖然唔係成日見, 但係一見面就勁多野講, 講唔停架~~~

正日生日, 男朋友在澳門工作未能回來同我慶祝!!!
不過佢比左個 SURPRISE 我, 就送左束咁靚既玫瑰花去我公司比我''*
雖然冇得見有點 sad, 但見你都有做d 野黎 tum 我就開心返啦~~

同小情人食東方文華既 Chloé Moments Exhibition Afternoon Tea 來慶生!!!
D 靚靚既蛋糕全部比阿B 你食哂啦~
不過最近兩年生日都見小情人心都甜哂!! =]




 
























假日下午就去左澳門搵男朋友帶我去食好野''*
不過今完晚飯就坐船就香港了, 雖然見得兩個鐘, 但係都非常開心!!!

跟住又黎跟中學同學仔食生日飯~~
去左時代廣場既芽莊, 野食都不錯, 那燒乳豬真係好正!!!
仲有個好味既綠茶芝士蛋糕''*

最後就係同一班 Blogger 好友 Dinner 啦~~~
去左敝沙咀既 Our Wonderland, 意大利餐廳, 大部份野食都係炸野；
味道都 OK, 我最鐘意就係食炸物架啦!!!

甜品就係雲尼拿雪糕配 Chocolate brownie''*
幾個都唔食雪糕, 變左我獨食 3球, 太爽太正啦, 呵呵呵~~

一班女人仔開開心心傾下計食下野又一晚!!!
每次都好盡興, Happy ~~~

 
今年生日好開心!!!
收到驚喜禮物又食左咁多餐, 多謝哂大家喔''*
所以要好好紀錄低開心事~

♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: winniecard@yahoo.com.hk

BeautyExchange．BeautyLife．Blogspot．ELLE．FanPiece．FnB．iTrial．MyCossip．
Qooza．QoozaBeauty．she.com．Sina．theZtyle．UBlog．WeShare

Kami 嘉美 の 貪靚鬼愛分享

Promote Your Page Too