無瑕透薄底妝。再度升級 ❤ shu uemura 植村秀

無瑕底妝已經成為現今女性揀選底妝產品的必要條件!!!
而早前我已經用緊 shu uemura 的妝前泡沫底霜 SPF30 PA+++ 效果不錯~

這款最受歡迎的妝前底霜今日全新推出升級版啦''*

配合shu uemura 其他的遮瑕及粉餅產品使用~
打造出無瑕柔光零毛孔的完美底妝!!!

【革新版】妝前泡沫底霜 SPF35 PA+++

全新革新版妝前泡沫底霜再度突破, 再升級!!!

❤ 增強水感保濕配方, 膚感水盈又不乾燥
❤ 防曬由原本SPF30 PA+++ 增至 SPF35 PA+++, 強效 UVA / UVB 防護
❤ 全新柔焦細緻科技, 令肌膚具有攝影般的柔光效果, 令毛孔自然隱形
❤ 嶄新花蕾複合物及葡萄酸鋅水因子, 有效吸走過剩油脂及控制油光

革新版妝前泡沫底霜共兩色: 杏色 及 粉紅
配襯自然健康膚色及白皙膚色, 塑造零毛孔, 半啞緻的妝容~

另外泡沫底霜是唧唧裝, 用前是需要搖勻的喔''*



革新版的泡沫較舊版細密輕盈!!
配合shu uemura 五角形海綿, 可以塗抹到臉上的微細之處!!
仲能夠均勻塗抹整塊臉, 而且海綿巴柔軟又不易變形~

輕輕的塗上一層, 微細的瑕疵都可以遮到少少''*
泡沫底霜十分輕盈透薄, 臉上完全沒有重量的妝容負擔, 仿似無化妝一樣!!
一層已經覆蓋了大部份毛孔, 做到零毛孔的效果~
而且塗後很清爽不黏笠, 加上它有SPF35 PA+++ 的防曬成份, 令普通外出上街都冇問題啊''*

專業遮瑕筆



完美既妝容當然都要以遮瑕筆重點修飾黑眼圈, 暗瘡及色斑~
shu uemura 專業遮瑕筆以旋轉調節的設計, 更能夠準確控制出使用份量!!

我使用的是7YR-M 顏色, 較為偏黃及健康的色調''*
它可以用手指印開或直接塗上所需的位置~

shu uemura 遮瑕筆含有維他命E, 有抗氧化的作用''*
它的質感水潤且容易推開; 遮瑕度高, 不會出現因太乾而出現的乾紋!!!

有時黑眼圈較深色的話, 可以多塗一層來遮蓋, 都唔怕會乾啊~
塗於暗瘡, 色斑, 黑眼圈位置都冇問題!!!

多效貼膚柔光粉餅

它結合全新·【藍光淨透科技】提昇肌膚剔透度~
更注入保濕抗氧化護膚精華包括深海活泉酵素, 紅石榴, 維他命E等, 使肌膚更柔滑細緻!!

粉餅及粉盒是分開的, 可以自行更換的喔~

一共有7種色, 而我用的是#754 自然色~
粉盒內附有粉樸, 粉餅上亦印有shu uemura 的字樣!!

它可以用作粉底, 定妝或者補妝之用~
而我就喜歡利用它來定妝啦!!!



用它來定妝唔覺得乾, 仲好貼服啊~
就連宜家天氣凍既時候用都唔覺得乾喔!!!
令整個妝容又貼薄自然~~

用上這三款底妝產品, 可以造出無瑕柔光''*
一整天都可以維持完美妝容, 冇出現油光既情況添~
仲唔駛成日補妝呢!!!!

妝前泡沫底霜SPF35 PA+++ 已經成為我最近的新寵兒啦 ❤❤❤

♥♥ 冰天雪地韓國遊 ♥♥ の 飲食篇

之前同大家講左我個五天韓國旅行既酒店~
文章回顧: ♥♥ 冰天雪地韓國遊 ♥♥ の 酒店篇

今次就到個五天既飲食啦!!!
大家都知係韓國食野, 通常都係燒烤, 火鍋等等熱氣既食物~
仲有餐餐都有泡菜同埋辣野架啦~~~

第一天

落機後兌好哂錢, 拎好哂D衫出黎之後就去左食野嚕''*
一早6點幾, 都冇咩特別野食!!!
就求其搵左間【Paris Croissant Kitchen】食三文治同麵包黎醫醫肚先~



佢個牛角包好好味架, 好香口, 仲熱熱地架添!!
唔錯架, 不過就比較貴少少~

午餐: 薯仔豬骨煲



效外地方既白米飯好香好軟身, 令人想食多幾碗啊~!!!
豬骨令到煲內既薯仔入哂味, 都算唔錯既~

晚餐: 餃子煲

餃子係豬肉餡來的, 味道都OK啦!!!
煲內仲有菜, 粉絲及紅蘿蔔絲, 可以話係最清最健康既一餐啊~~

而且唔夠食都仲可以加餃子及粉絲架''*
總之食食到飽為止喔~~~

宵夜: 炭爐燒海鮮餐 + 鱒魚湯

哩個係自費架, 大約每人三百幾蚊港紙左右~
都算抵食WOR~~

香港好少見既炭爐燒烤, 真係好有風味啊~!!!
仲有韓國人好鐘意飲既燒酒 JINRO 真露''*

海鮮出場啦, 有蝦, 扇貝, 大蜆等等...
全部都好新鮮啊~可惜冇新鮮八爪魚鬍食..><''

仲有仲有...生蠔, 鮑魚刺生, 魷魚刺生啊~
韓國既生蠔係較CREAMY 既, 我同肥仔就最鐘意架啦!!!
而鮑魚刺生就好爽口, 魷魚刺生加埋韓式海鮮醬一齊食就另有一番風味~~

這個真係未必係香港食得到既左口魚刺生''*
左口魚刺生非常鮮甜, 又爽口~~
真係好正, 令人食唔停口啊!!!!

最後就有鱒魚湯, 冬天係韓國平昌係鱒魚盛產既季節~!!!
所以我地都好有口福可以食到啊~~
鱒魚既肉質好彈牙, 個湯仲好鮮甜添, 正啊''*

真係食到好滿足啊~~

第二天

早餐: 太陽郵輪度假酒店餐廳

酒店裡的西式早餐, 竟然早上係食薯條''*
味道一般同埋係凍的啊~~~~

午餐: 地道韓式涮涮鍋 + 石頭飯

豚肉涮涮鍋係無味既, 真係要點醬汁食先OK''*
石頭飯都唔算, 加入韓式海鮮醬一齊撈, 少少辣幾好味!!!

晚餐: 韓燒秘製醬汁Bugogi + 自費燒韓牛 & 生牛肉

自費既韓牛真係超正, 難怪係韓國食牛要咁貴啊!!!
仲有韓國正宗生牛肉配雪梨條, 真係一流啊~
連埋D雪梨一齊食幾甜架''*

第三天

早餐: 滑雪渡假村餐廳
自助形式, D 野食係凍冰冰既, 所以冇影相~

午餐: 滑雪場
係入面自費食D 小食之類既野~

晚餐: 人蔘雞湯 + 滋補人蔘酒 + 長壽麵 

人蔘雞已經食過好多次嚕!!
不過我不太喜歡, 但係佢地D 長壽麵幾好味~~

第四天

早餐: 市內既餐廳
自助形式, 味道一般

午餐: 炭燒正宗韓豚 + 自費韓牛

又係以炭爐燒, 仲有個抽煙筒架, 真係好地道!!
醃好左既韓國豚肉, 味道幾好, 不過係咁食肉就好快飽啦~
我地另外又左買韓牛, 真係超好味~~

晚餐: 自費 (導遊帶去食韓國豚肉濕燒)



一大盤既豚肉鍋, 真係睇見到滯滯地!!!
食得太多餐豚肉啦, 雖然味道唔差, 入面仲有粉絲TIM~

第五天

早餐: 市內既餐廳
自助形式, 味道一般

午餐: 清湯滑雞煲 + 黏韌刀切麵
刀切麵味道一般, 清湯滑雞煲個湯好清好好味!!
不過唔記得左影相~~

仲有每一日我都會買哩隻香蕉奶黎飲架!!!
因為真係好好味架~~

就係咁, 五日入面不停食食食飲飲飲~
食完就訓, 玩完又食咁, 非常之開心又滿足喔''*


♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: winniecard@yahoo.com.hk

Yblog．theZtyle．BL．FnB．she.com．ELLE．Sina．Ubeauty．Qooza．Blogspot．BlogDB

平價開架美睫好品 ❤ MAJOLICA MAJORCA 升級美睫魔法產品

塑造大眼除左帶大眼仔外, 用化妝技術都可以做到''*
畫眼線及濃密睫毛就可以幫你變成大眼美眉~

日本開架品牌 MAJOLICA MAJORCA 的睫毛產品一向受用家大讚的~
最近他們推出了幾款全新的美睫產品''*

❤ 廣角魅惑激長睫毛液
❤ 持久豐盈睫毛底霜
❤ 啫喱美睫精華

這三款產品就可以幫助塑造出大眼架啦~~

啫喱美睫精華 HK$108

MJ 首度誕生既一支蘊含濃密修護睫毛成分的啫喱精華''*
可以修護每根受損睫毛, 賦予光澤和彈性, 減少脫落!!

更採用左獨特既珍珠棒頭設計~
容易塗於睫毛根部及眼瞼邊緣, 方便又快捷!!

每天早晚護請程序後使用就OK''*
由眼皮位置向上掃, 可以令睫毛更烏黑, 更亮澤, 更強韌!!!

持久豐盈睫毛底霜 HK$115

全新更濃密配方, 加入漆黑纖維, 使睫毛變得更長更濃密, 同時長久捲翹~
含有維他命E及夏威夷果仁油, 修護睫毛~
而半透明基調令貶毛妝效更完美!!!

一貫的梳型掃頭及白色的底霜~
而且可以看到加入了黑色的纖維毛毛!!
令塗上睫毛液前打好個底, 令睫毛睇出黎會長左''*

廣角魅惑激長睫毛液  HK$138

全新第四代升級版的睫毛液, 揉合4mm烏黑纖維及睫毛伸基底配方!!
而且防汗, 防油, 防淚水配方~

更採用嶄新既雙面掃頭, 梳型設計可增長及使睫毛根根分明!!
平梳位置可以全面捕捉眼角短小睫毛~
營造出廣角伸延的小魔法''*

先掃上睫毛底霜, 令睫毛變成白雪雪的!!!
再塗上濃黑的睫毛液 (記得要塗得均勻, 要遮蓋哂白色的底霜喔)

梳型的睫毛掃頭令睫毛變得根根分明, 而且唔會黏到一舊舊~
而且掃上底霜後使眼睫毛加長了!!
大眼眼妝即刻塑造完成~~

塗左成日, 一D 都冇甩係眼肚及眼角''*
升級左既第四代真係超級讚喔!!!

嘉美口味の拉麵 ❤ 博多一風堂

不太喜歡米飯既我, 麵食就係我最喜歡既澱粉質食物''*
大大碗既粉麵, 拉麵, 米粉等等我都可以食得哂~

香港有很多出名的拉麵店''*
今次來到位於金鐘廊LAB CONCEPT 的【一風堂】分店!!!


源自日本九州福岡拉麵之都博多的一風堂, 由享譽國際的神級拉麵大王河原成美創辦''*
於日本全國分店已經超過60間, 更加擴展至國際大都會架啦~~

一風堂秉承河原成美的理念【堅守傳統。不斷創新】
就是一風堂達到如今卓越地位的秘訣''*



店內的設計都以日式風格為主導''*
跟日式的拉麵台一樣有一個玻璃位置可以看到師傅整拉麵的情況~



EVENT 開始, 由拉麵師傅及公關同事介紹一風堂的背景~
其實亞洲幾個主要既城市都已經有一風堂既分店:
如紐約, 新加坡, 中國, 南韓, 台灣及香港!!!

介紹完就到我地自己揀選專屬自己既拉麵啦~~

Menu 內有多款選擇!!!
可以自己揀選自己喜歡既麵質, 調味料, 油量及拉麵既配料~~

自選拉麵既好處就係可以隨住自己當日既心情揀選想食既食物''*
今日十分開心, 所以胃口好大啊, 樣樣都想食呢~~

台面上擺放左不同既配菜, 可以係食麵既時候加入''*
味道都會跟住配菜味道而作出變化架!!!

穿好紙圍巾就準備等食啦!!!

仲有這個東東, 一風堂真係細心!!
可以自己整蒜蓉, 不過需要出力先可以整到~~
好少可見到哩個工具呢''*

這個就是我的自家口味的拉麵啦!!!!
我揀選左【幼麵。 普通軟硬度。黑蒜油味。少油配上特盛配料】
另外仲加左溫泉蛋喔, 賣相不錯, 幾咁豐富啊''*

濃濃既湯底配上軟硬適中既幼麵''*
我選了特盛配料, 入面包括日式叉燒, 日本豬柳, 木耳, 豆芽, 紫菜, 竹荀及半隻半熟蛋~

唔好以為SET好哂既配料份量會唔多啊''*
其實真係好足料架, 配埋日本蔥花, 香濃又唔油膩既湯底, 好美味!!!
日式叉燒及豬柳就一般般, 沒什麼特別!!!

而我最喜歡吃的就是竹荀及半熟蛋啦~~~~
日本竹荀很爽口, 而半熟蛋我就喜歡它流出來的蛋黃(雖則膽固醇很高啊)''*

跟住就到溫泉蛋既時間啦!!!
看似滑滑溜溜的溫泉蛋, 一整隻放入口中, 蛋黃及蛋白係口腔裡直吞落肚~
好爽啊, 不過凍冰冰既溫泉蛋都唔係我杯茶, 熱熱地既就岩我啦''*

最後仲有南瓜焦糖燉蛋作為甜品~
為整個好味既拉麵晚餐做個完美既句號啊!!!!


多謝BE 及一風堂既試食邀請喔~

我已經揀選左【我的拉麵】啦!!!
仲唔快D 去一風堂既配搭專屬你自己口味既拉麵~~

博多一風堂 IPPUDO
尖沙咀廣東道30號新港中心2樓20號鋪
銅鑼灣羅素街8號2樓
中環德己笠街1-13號世紀廣場3樓
金鐘道93號金鐘廊1樓Lab Concept F04-F06

清走臉上既死皮。輕鬆哂 ❤ Inskin 28日肌膚激活更生護理

早前到了Phillip Wain 集團旗下Inskin 的銅鑼灣分店進行臉部護理''*
就是【28日肌膚激活更生護理】啦~

【28日肌膚激活更生護理】可以幫助去除表層堆積既死皮細胞~
減少毛囊閉塞, 減少黑頭, 白頭的形成及減少死皮層!!!

❤ 疏通毛孔, 平衡油脂分泌, 令毛孔收細❤ 減淡色斑, 令膚色變得均勻❤ 促進膠原蛋白及彈性纖維增生, 減少幼紋及皺紋的形成❤ 減淡由陽光損害而引致的幼紋和皺紋❤ 令皮膚保持水份, 變得更光滑柔軟及有彈性

雖然銅鑼灣分店的房間不算大~
但內裡十分整潔乾淨!!!!療程開始前, 美容師會先詢問及了解肌膚的狀況及有否特殊的敏感情況~
然後就用上洗面膏清潔好肌膚!!

之後就於面頰近腮骨位以低濃度果酸做Patch Test~
看看會否有敏感的情況, 大約1-2分鐘左右就OK架啦!!!

測試OK後, 就把AHA 煥膚液塗於全面(避開眼部)''*
AHA 煥膚液是呈透明液體, 味道濃烈!!
塗上時臉部會有刺刺的, 痕癢的感覺,
如果受不了的話美容師會用上小風扇, 舒適不適~~
大約2-3分鐘就完成架啦''*

AHA (果酸) 是由天然物質提取而成 ;
甘醇酸 (Glycolic Acid) 是醫學果酸中療效最好的一種, 含有最細小的果酸分子~
有助皮膚吸收, 去除死皮表面堆積的老死角質層, 加速皮膚更新!!

持續使用更能促使真皮層內彈性纖維, 膠原蛋白增加~
幫助改善暗瘡, 色斑, 減淡幼紋, 皮膚乾燥, 粗糙等肌膚問題''*
而且AHA 的安全性已獲醫學界廣泛認識, 世界各地的皮膚專科都普遍採用架!!!

之後以中和劑塗於全面, 加上美容師輕輕的按摩''*
這個程序通常最少需要中和四次, 中和至沒有痕癢感為止的!!!
而次數是視乎膚質及個人感覺而定喔~~

中和後, 會見得到肌膚有些位置有微紅的情況~
這是正常的喔, 不過明顯地肌膚的色澤比之前淨白了!!

中和後便會塗上透明質酸精華及敷上補濕面膜及軟膜作補濕及降紅之用''*
大約敷上20分鐘, 順便可以稍作休息~

整個療程約60分鐘, 完成後肌膚明顯看得出淨白了''*
感覺到毛孔潔淨了, 清走了肌膚裡的死皮都輕鬆不少呢!!

療程後, 皮請會出現脫皮的情況及底層正在蘊釀中的暗瘡亦會慢慢退出來~
這是正常的反應, 但不要自行用力的清除啊''*
而且最重要是足保濕程序及足夠的防曬啊~
28天內都可以不需要作Peeling 及磨砂的程序架啦~

建議整個療程共需6次或以上, 每次療程相隔約28天, 以達至最佳效果!!!

♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

宜家INSKIN 仲有優惠比我既讀者啊~''*

優惠價HK$388 尊享【28日肌膚激活更生護理】
有興趣就到以下網址登記:
http://hkcosme.com/phillipwain/C10nhci/
優惠期至2013年3月31日
***只限18歲以上之新客戶***

立即LIKE inSkin HK 即可免費獲贈 Infusens 高效保濕精華一支 (價值$128)

InSkin 醫學光療嫩膚中心尖沙咀加連威老道2-6號愛賓商業大廈3樓302室
銅鑼灣恩平道28號利園2期503室
查詢: 3980 9827