落雪情況!? 無哂嚕 ~ 倍芳專業護法系列

夏天又熱又焗, 頭髮出油既情況日日都係''*
汗水加埋油笠笠既頭髮....真係嚇死人架~~~
如果有埋頭皮既情況出現.....完全令人唔想行近tim!!!

好彩係哩個炎炎夏日既時候....
有今次既試用....

德國倍芳倍芳專業護法系列 ~
特效去頭皮屑洗髮露 & 修補護髮素

不含防腐劑

防靜電配方

性質溫和

採用弱酸性PH配方

強效補濕修護因子 "水解性麥子蛋白質"



特效去頭皮屑洗髮露
[ 適合頭皮或頭油過多人士 ]

含有特效醫學去頭皮成份, 可以迅速抑制頭皮表層有機體所引致的頭屑

預防及控制頭部過份分秘, 舒緩頭痕

減少脫髮, 強化髮質, 促進頭髮生長


修補護髮素

可以修復及保護受損頭髮, 令秀髮更加柔軟光澤

解決頭髮乾旱, 開叉及容易折斷問題

含有 奧米加6 及 維他命B5, 有助維持頭皮正常的新陳代謝

今次有幸抽中今次既試用....第1個諗起既就係小妹既男朋友''*
頭皮, 頭油, 乾旱.....各種問題 佢都有齊
加上我又幫佢尋覓緊有效幫到佢既洗頭水__!!!
跟住就同佢講叫佢做今次既試用者啦~~
我講第1個好處個時佢已經答認了......[[ 平時佢係唔會SO我的]]

大家估唔估到係咩原因.......!??
就係...." 可以改善脫髮問題, 及促進頭髮生長 "

哈哈!!!!!! 原來男人....就係最怕哩個問題發生架啦~!!!

睇下佢既試用效果先啦!!!


你地睇下....佢既頭皮情況幾嚴重!!!!

哩張係訓醒個時影既 (成頭都係頭皮)

第1次用完倍芳既特效去頭皮屑洗髮露 & 修補護髮素 之後:
頭皮即刻冇哂.....

試用完十日之後:
頭髮有返光澤, 頭皮同頭油都減少左!!!

總結男人既用後感~

男人話用完之後頭皮既情況減少左, 頭都冇咁痕, 又冇乜敏感!!!
清爽左...有少少清香味道!!! 仲甩少左頭髮''*

男人見到說明書話洗頭水洗2次既功效會更好...佢真係照做~
平時唔會用護髮素既佢...都好乖乖地照用~!!
(唔通...真係咁驚甩頭髮既情況會嚴重??)

十天試用之後仲話倍芳都幾WORK, 仲叫我幫佢睇下邊度有得買!!!
BTW 佢好滿意哩隻洗頭水&護髮素''*

今次試用真係搵到隻幫到佢既洗頭水啦!!!!


最後真係要多謝BL X 倍芳今次既試用 ^^

淘寶買的鞋 & 莎莎小敗

又買鞋啦又買鞋啦''*
掉左一堆之後又買左一堆返黎~哈哈!!!!
就黎冇位擺架啦!!!呵呵

睇下今次我買左d咩鞋!?

黑色高爭羅馬鞋

黑色牛仔布厚底鞋

哈哈!!! 連運費都係$136
好抵呀!!!!



今日仲係莎莎度買左D 野返黎

有MASKS, KISSME眼線筆 & 假眼毛毛啦!!



講住咁多先''* 呵呵__~

Yummy Yummy 海鮮餐 & Pizza Hut 西班牙Tapas 批

星期日晚.....屋企幫我慶祝生日''*
Mummy仲整左我好鐘意食既海鮮喔__YummyYummy!!

是日晚餐有:

白灼蝦''*

螺!!! (我好鐘意食架)

有膏既瀨尿蝦''*


仲有dad 請既Pizza Hut tim~!!!

係咪好豐富呢''*
你地有冇睇到流哂口水呀??

最後...
緊係有生日蛋糕啦!!!

妹妹有份夾錢買架''*

Thanks 佢地呢''* ♥♥♥♥

給自己的生日禮物''* 呵呵

嘩嘩嘩.....就黎生日梗係要洗下錢買禮物比自己啦''*

(其實自己想買野就想買野啦___用生日黎做藉口 XDDD )

但係都唔算買左好多野''*
睇下我既戰利品先啦___!!!!

紅色橫間衫.....''* 哈哈!!!!
第1次買哩類型既衫喔___''*

著上身既LOOK....so far都ok既''*

另外仲買左一條背心連身裙

一件長身背心 (鐘意佢隻色喔)

跟住仲係Kiehl's 買左白泥mask''*
想買左好耐架啦_!! 不過一直唔捨得買~今次有貨即買~呵!!
d sis話佢好好用架''*

之前仲收到Kiehl's 既生日DM 咭, 換左生日禮物返黎~
就係HAND CREAM & BODY LOTION

仲送左4包岩我用既samples比我tim~

最後仲買左.....

THE BIG FOUR 演唱會DVD 喔''*
買唔到飛睇現場, 一出左DVD就買左返黎啦~


可能過幾日又手痕買野架啦!!!哈哈

水滴...滴...滴... CELGEN能量水滴精華素

炎炎夏日, 美白這個動作係女仕們每日都會做既''*
其實補水哩個步驟都好緊要架!!!

廣告都有話, 每人每日要飲八杯水....
肌膚都要補充好多好多水份架!!

今次就有機會試用這個韓國品牌''

CELGEN 能量水滴精華素 $233 / 40G

包裝以銀藍色簡潔為主 ( 配合哂佢係水滴精華素)


CEKGEN 以科學配製的能量水是含天然成分的能量水滴精華素的關鍵成分。

可以為皮膚補充水分, 使乾燥和粗糙的皮膚變得濕潤, 柔軟。

強效補濕 保持皮膚彈性 抗氧化 收斂 潔淨等功效

小妹係混合性肌膚, 所以都係用保濕產品!!!!
今次哩個補水精華素.....令到我好期待喔___~
加上夏天我一定會成日曬太陽...曬完之後要補補水...''*

哩次試用撞正我個CEBU TRIP....正合我意可以拎埋過去用!!!!
幫我係CEBU 曬後補水哩個STEP啦!!!

佢係唧唧裝既___!!! 方便又乾淨...

呈乳白色...仲有一陣好清新既香味架!!! (唔知係咪柚子味黎架呢)

輕輕按摩...好快就變水滴啦!!! (唔知大家睇唔睇到呢)
真係一粒粒水珠係隻手度架___"'*

搽完之後冇咁乾.....好快吸收''* 補水力唔錯喔!!!!


試用左十日之後:

每日早上同晚上都用佢一次....冇敏感之餘真係感覺到肌膚充滿水份''*
但係晚上搽完之後, 因為睡覺時會開冷氣....訓醒之後就會有少少乾__!!!!
如果夜晚用完佢之後都要搽返D潤少少既CREAM....''*
不過早上使用會好d...同埋唔油又唔lup, 好爽喔!!!

小妹好喜歡哩支精華素喔....感覺好似注入左水份係d肌膚到!!!!
LOVE CELGEN♥♥♥♥

我在Cebu天氣晴 ~ 第1天 [[有Bikini相喔]]

大家係咪等得好心急呢!??
我終於肯出文啦!!!!

第一天

晨咁早就要起身出發去機場喔''* (5點幾起身=.=)
去到機場Check In 跟住去Burger King 食個早餐先~!!!
之後就等登機啦'' 今次搭國泰呢!!呵呵

話咁快2個半鐘左右既機程....
就到左目的地 CEBU 啦!!!!!十分興奮~

出左機場好好太陽喔'' 正

拿拿聲搭Shuttle Bus 去酒店啦~~~
我地住既係Shangri-La's 喔'' Ocean Wing個邊呢''*
都可以住到小小海架__!!!

我地間房張呢'' 出面有露台架~

廁所既洗手盤唷''

露台出面既景色喔''* 好靚呢!!!

酒店房出面既走廊喔!!!

放低左d野係房之後我地就係酒店周圍行啦!!!
去左間餐廳度食個Lunch先__""*
個餐廳一對出就係酒店個私人海灘同埋泳池架啦~

個海灘幾靚___""* 我愛的藍天與白雲喔!!!

講番我地個Lunch先___!!!!

叫左2個PIZZA''*

1個意大利飯同埋意粉

Mango Shake''* 超正呀!!!! 勁好味

Strawberry Shake''*

張相似唔似d 蠟像喔??? 哈哈~好得意呢!!!

食飽飽就去游水啦!!!!!
我地首先去左海灘先___不過咁岩水退...都好淺水喔!!!

比d Bikini 相你地睇啦~~知你地等左好耐架啦!!

係泳池既相''*

係泳池入面.....我好似就黎浸死咁既樣~哈哈!!!!


游完水之後就上返房沖涼換衫去食Dinner Buffet''
不過掛住食唔記得影相嚕!!!

食完再周圍行下啦''*
第1日就係酒店入面RelaxRelax呢''*


打完第1日啦___大家要等下我既" 我在Cebu天氣晴" 既第2日啦!!!!
多謝大家支持唷!!!